Geverifieerde Resensie
Garden Route
Al die resensies is deur LekkeSlaap-gaste geskryf wat in Garden Route bespreek het
Hierdie plek het 'n gemiddeld van 4.7 uit 5 gekry volgens 15868 resensies.
"Die restaurante en koffiewinkels is nie oop vir ontbyt voor 09:00 nie. Daar is byne geen opsies vir Sondagmiddagetes nie."
"Ongelooflike natuurskoon, staproetes vir alle tipes, pragtige huise, veiligheid, goeie restaurante Om nie eers van die seestrand en strandmeer te praat nie. Die plek het ons hart gesteel en ons beplan alreeds ons volgende vakansie in Stilbaai."
"Pragtige dorp. Vriendelike inwoners. Baie aktiwiteite. Baie goeie en lekker vakansie bestemming. Wateraktiwiteite (motorboot, "water bike", kajak)."
"Baie lekker vakansieplek en sal enige tyd weer na Mosselbaai toe gaan."
"Ons het nie besef dat daar so baie besienswaardighede in en om Oudtshoorn is nie. Dis ‘n pragtige ou dorpie met baie vriendelike mense. Volgende keer sal ons beslis langer bespreek."
"Stil area met relatiewe min verkeer oor Desember. Mense is baie vriendelik en behulpsaam."
"Dit was my eerste keer daar en dit is mooi en skoon. Die Suidkus sal ons nooit weer sien nie."
"De Rust is n klein dorpie met karakter. Ons het ontbyt by Ray's baie geniet en het alles wat ons nodig het gekry by die Sentra."
"Baie lekker vakansiebestemming. Strande is fantasties. Al die bouvlagstrande is kindervriendelik. Lappesbaai, die hoofstrand is 'n baie lekker swemstrand. Daar is nie 'n helling nie, so jy kan lekker diep instap en die golwe is nie te rof nie. Skulpiesbaai is lekker vir snorkel, kan die kleintjies leer snorkel aangesien dit baie kalm is met laagwater. Die lagoon is ook baie lekker, met hoogwater is die stroom egter nogal sterk. Het lekker gestap by Geelkrans, baie mooi staproete vanaf preekstoel en strandlangs terug. Daar is 'n stukkie deur private grond voor jy op die strand kom, en as jy hoogtevrees het kan dit dalk erg wees aaangesien dit nogal 'n vinnige daling met 'n smal bergpaadjie is tot op die pragtige strand. Die toerisme buro is baie vriendelik en behulpsaam."
"Die tuinroete (Knysna) is net soos iemand my vooraf gesê het: Jy gaan hemel toe as jy soontoe gaan. Dis mooi verby."
"Die mark by Sedgefield, die Redberry Farm en George se kersmark was goeie ervarings en word aanbeveel."
"Ons het Mosselbaai baie geniet. Die stad is skoon en ons het veilig gevoel waar ons die museum en vuurtoring besoek het. Ons sal beslis weer na Mosselbaai wil reis en 'n bietjie langer daar wil oorbly."
"Baie toeristevriendelik en opwindend, ten spyte van Covid kon ons swem in die see en op strande baljaar. Die lewensredders is baie vriendelik en oplettend en ons is vinnig uit die seestrome gered toe ons op die skipwrak beland het."
"Baie welkom gevoel, Covid-19 het net teleurstelling gebring met plekke wat gesluit was soos die Rust en Vrede-waterval. Sou dit graag wou sien."
"Ek is lid van die ATKV en het gereeld op Hartenbos vakansie gehou. Hulle raak nou te duur."