141 Fagan Street

Selfsorg

Kapasiteit: 8 mense
Inkloktyd: 15:00 tot 17:00
Uitkloktyd: 10:00
Adres: Faganstraat 141, Strand, 7140, Wes-Kaap
Alle ouderdomme is welkom
Vanaf R4 500 per nag (plek vir 8)

Beskrywing

141 Fagan Street is 'n ruim selfsorgvakansiehuis in die hartjie van Strand. Dit is ideaal vir 'n groot groep vriende of 'n gesin aangesien dit net 220 m van die strand af is en met 'n lieflike swembad op die perseel spog.

Die dubbelverdieping-villa bied slaapplek aan 8 gaste en beskik oor 4 en suite-slaapkamers en 'n gastetoilet. Die hoofslaapkamer het 'n koninggrootte-bed en 'n en suite-badkamer met 'n spa-bad, stort, wasbak en 'n toilet. Die tweede slaapkamer het 'n dubbelbed, die derde slaapkamer het 'n koningingrootte-bed en die vierde slaapkamer het 2 enkelbeddens. Die ander 3 badkamers het elk 'n bad en 'n stort. Alle linne word voorsien, maar gaste moet hul eie handdoeke saambring.

Die leefarea met lugversorging beskik oor 'n kombuis wat met 'n stoof, oond, mikrogolfoond, yskas-vrieskas, eetgerei, breekware en 'n koffiemasjien toegerus is. Daar is ook 'n skottelgoedwasser, wasmasjien en 'n tuimeldroër in die opwaskamer. Die kombuis lei na 'n etenstafel met sitplek en 'n sitarea met gemaklike rusbanke en 'n platskerm-TV met Showmax en Netflix. Gratis WiFi is beskikbaar.

Op die boonste verdieping is daar 'n kuierarea met 'n tweede TV-sitarea, 'n pooltafel en 'n kroeg. Dit lei na 'n lieflike balkon met sitplek. Gaste het toegang tot veilige onderdakparkeerplek in 'n dubbeltoesluitmotorhuis, 'n lieflike swembad en braaigeriewe.

Die swembad het nie 'n bedekking nie en alle gaste is verwantwoordelik vir mense en kinders in en om die swembadarea.

Kry ’n Kwotasie