211 The Breakers Resort

Aletta S
Gesin met klein kinders

Pragtig, gesinsvriendelik, veilig en naby die see!

Ons was aangenaam verras oor hoe smaakvol die eenheid is en hulle het regtig baie moeite gedoen om dit prakties en kindervriendelik te maak. Die patio met lieflike buitestel en sambreel was ‘n bonus. Baie dankie ons sal graag weer kom!

Louise N
Gesin met tieners

Die verblyf is netjies, maar ons was nie vooraf gewaarsku teen die konstruksie wat op die derde vloer plaasgevind het nie.

Eenheid 211 is netjies toegerus, maar ons het 'n wegbreek so nodig gehad. Soos almal het ons uitgesien na saligheid (veral nadat ons 'n nabye familiedood moes deurgaan). Die derde vloer was 'n boukonstruksie. Elke oggend het die geboor en gehamer 9 uur begin. En dit was onuithoubaar. Ons kon nie ons oggend koffie buite geniet nie en in 'n reeds bedompige woonstel, moes ons die deure toehou vir die geraas asook die stof. Indien ek bewus gemaak was van die konstruksiewerkers en geraas, sou ek vir seker my geld op stiller akkommodasie spandeer het. ...

Sien meer

Eenheid 211 is netjies toegerus, maar ons het 'n wegbreek so nodig gehad. Soos almal het ons uitgesien na saligheid (veral nadat ons 'n nabye familiedood moes deurgaan). Die derde vloer was 'n boukonstruksie. Elke oggend het die geboor en gehamer 9 uur begin. En dit was onuithoubaar. Ons kon nie ons oggend koffie buite geniet nie en in 'n reeds bedompige woonstel, moes ons die deure toehou vir die geraas asook die stof. Indien ek bewus gemaak was van die konstruksiewerkers en geraas, sou ek vir seker my geld op stiller akkommodasie spandeer het. Dit was regtig nie salig nie. Die eienaar het een dag gratis aangebied as ek weer die eenheid sou boek. Baie dankie daarvoor. Ek het ongelukkig hierdie kosbare tyd nodig gehad om my gemoed te herlaai en beplan nie nou al aan my volgende vakansie nie. Ek is self nie seker of die eienaar eers bewus was van die konstruksiewerk nie, maar volgens ontvangs is eienaars asook agentskappe daarvan bewus gemaak. Ek het toevallig met die vakansiegangers twee woonstelle van ons af, gesels en hulle het net so teleurgesteld gevoel.

Sien minder

Maritha M
Gesin met klein kinders

'n Lekker ontspannende plek, is die moeite werd!

Die eenheid is fantasties! Die grondvloer is ideaal met klein kinders. Ek sal net voorstel om die volgende in die advertensie te noem: Daar's badhanddoeke (sodat mens dit nie onnodig saamry nie), ’n bababed met linne (veral as mens vlieg maak dit 'n groot verskil om nie die bed saam te vat nie), haardroërs, kombuis, sunlight en sponsies/lappies, koffie tee en suiker en lys van nommers om te bel in die eenheid opsit by die telefoon (ontvangs/restaurant/spa ens.).

Hennie se Terugvoer

Goeiedag Maritha,

Ons waardeer die terugvoer en sal meer inligting verskaf aan ons besoekers.

Baie dankie
Hennie

211 The Breakers Resort

Kallie J
Gesin met klein kinders

Heerlike wegbreek.

Die 211 The Breakers Resort het 'n baie goeie ligging t.o.v die strand en ander dinge om te doen. Die eenheid op die grondvloer met sy oopskuifdeure is veral heerlik vir besige kindertjies wat wawiele op die gras wil doen of bal skop. Die eenheid is goed geleë t.o.v die swembaddens en restaurant maar tog relatief stil. Die swembaddens is pragtig en die see 'n hanetree van die oord. Daar is sekuriteit by die ingang en hekkie na die see. Mens voel redelik veilig. Die eenheid voel ruim en die hoofslaapkamer is pragtig. Kombuis is goed toegerus vir ...

Sien meer

Die 211 The Breakers Resort het 'n baie goeie ligging t.o.v die strand en ander dinge om te doen. Die eenheid op die grondvloer met sy oopskuifdeure is veral heerlik vir besige kindertjies wat wawiele op die gras wil doen of bal skop. Die eenheid is goed geleë t.o.v die swembaddens en restaurant maar tog relatief stil. Die swembaddens is pragtig en die see 'n hanetree van die oord. Daar is sekuriteit by die ingang en hekkie na die see. Mens voel redelik veilig. Die eenheid voel ruim en die hoofslaapkamer is pragtig. Kombuis is goed toegerus vir kookdoeleindes. Moet egter nie verwag om op die patio te mag braai nie. 211 The Breakers Resort moedig nie juis 'n gebraaiery aan nie. Vrydag en Saterdag mag jy nie braai nie en ander dae eers na 17:00 op 'n klein kolletjie aan die buitewyke van die oord agter glas vensters. Ons het lekker gekuier en gaan die plek beslis weer ingedagte hou vir 'n volgende keer.

Sien minder

Andri L
Gesin met klein kinders

Quality and comfort at its best.

211 The Breakers is a very comfortable flat equipped with quality furniture and appliances. A slight draw back is the fact that the bathroom en-suite has no toilet but that is no deal breaker. Hennie and Irene are extremely helpful, very friendly and approachable. Definitely worth a visit!

Tanja N
Gesin met klein kinders

Gerieflik en kindervriendelik.

Die verblyf was fantasies. Ontvangs was egter onbehulpsaam.

Hennie se Terugvoer

Baie dankie vir die terugvoer.

211 The Breakers Resort

Micheline C
Gesin met klein kinders

Dit was fantasties.

Die tydjie was fantasties en natuurlik te kort. Kinders het hulle geniet. Die eenheid is modern en baie netjies. Skoonmaakdiens was ook puik. Ons kan nie wag om weer te kom nie. Kan dit rerig aanbeveel.

Hennie se Terugvoer

Baie dankie Micheline.

211 The Breakers Resort

Yolanda N
Gesin met klein kinders

Lieflike verblyf.

Pragtige woonstel en vakansieoord. Naby aan al die nodige winkels en restaurante. Het al te lekker daar gebly.

Hennie se Terugvoer

Baie dankie Yolanda.

211 The Breakers Resort

Johan B
Gesin met klein kinders

Pragtige verblyf.

Eenheid is pragtig binne, sal definitief weer daar vakansie hou. Strand is stapafstand van the breakers af. 'n Moet vir iemand wat nog nie by the Breakers was nie. Vriendelike personeel en sekuriteit.

Armand V
Saam met eggenoot/lewensmaat

Verblyf was fantasties. Ons het dit baie geniet.

Verblyf by 211 Breakers Resort was fantasties. Ons het dit geweldig geniet. Ons sal beslis weer gaan. Die eenheid was skoon en baie netjies.

Johan M
Saam met vriende

Hierdie eenheid was perfek ... netjies, skoon en gerieflik.

Ons het ons verblyf baie geniet. Ons woonstel was netjies, skoon en gerieflik.

Hennie se Terugvoer

Beste Johan
Baie dankie vir jou moeite om vir ons terugvoering te gee. Ons waardeer dit baie.
Groete
Irene

211 The Breakers Resort