30 Branderdraai

Selfsorg

Gratis kansellasie tot 1 week voor jou verblyf!
Kapasiteit: 10 persone
Inkloktyd: 14:00 tot 19:00
Uitkloktyd: 10:00
Adres: Branderdraai-straat 30, Sandbaai, Hermanus, 7200, Wes-Kaap
Alle ouderdomme is welkom
Vanaf R4 000 per nag (plek vir 10)

Beskrywing

30 Branderdraai bied ‘n onbelemmerde uitsig oor Walkerbaai en het 'n besondere ligging bokant die wandelpad van Sandbaai na Onrusrivier, direk teen die water. Dit is ideaal om rustig saam met vriende en familie te ontspan of te stap Sandbaai en Onrus se strand.

Dié huis beskik oor 5 slaapkamers en 3 badkamers. Die hoofslaapkamer het ‘n koninggrootte-bed en ‘n en suite-badkamer met ‘n stort, wasbak en toilet. Die tweede en derde kamer het 2 enkelbeddens elk en die vierde kamer het ‘n koningingrootte-bed. Kamers 2, 3 en 4 deel 'n badkamer met 'n wasbak, stort, bad en toilet.

Die aparte ateljeewoonstel (met 'n vyfde slaapkamer) het ‘n dubbelbed en ‘n enkelbed asook 'n en -suite badkamer met ‘n stort, wasbak en toilet. Daar is ook 'n kombuisie. Linne, handdoeke en 'n haardroër word voorsien. Daar is verwarmers in die kamers.

Die oopplan-leefarea het 'n sitarea, eetarea en 'n binnebraai. Die sitarea het gemaklike rusbanke en stoele, ‘n kaggel, TV met DStv en internet. Die leefarea het stapeldeure na die stoep wat 'n uitsig oor die see het.

Die kombuis is volledig toegerus met ‘n yskas, vrieskas, mikrogolf, stoof met oond en volledige eetgerei en breekware. 'n Aparte opwaskamer met 'n skottelgoedwasser en wasmasjien is beskikbaar.

Patio meubels en Verskuifbare braai indien u buite wil braai en otspan.

Daar is 'n elektroniese alarmstelsel met 24 uur-reaksie, diefwering en 'n veiligheidsdeur. Onderdakparkeerplek is beskikbaar op die perseel wat omhein is aan die straat se kant.

Die kuspaadjie lei vanaf Sandbaai-strand tot by Onrus-strand en is net 250 m vanaf Sandbaai-strand en 350 m vanaf Onrus-strand. Die kusstrook tussen Sandbaai en Onrus is gewild onder branderplankryers, hengelaars, vissermanne en duikers.

Kry ’n Kwotasie