by 5 on Penny Self-catering, Durbanville | LekkeSlaap

+25

5 on Penny Self-catering, Durbanville

65 resensies

Gastehuis

Voorkeurvennoot
Kapasiteit: 4 persone
Inkloktyd: 14:00 tot 19:00
Uitkloktyd: 10:00
Adres: Pennystraat 5, Vierlanden, Durbanville, 7550, Wes-Kaap
Geen kinders onder 14
Vanaf R445 per nag (plek vir 2)

Beskrywing

5 on Penny is in Vierlanden, Durbanville geleë en bied gehalteverblyf, ideaal vir sakereisigers, vakansiegangers en gaste op soek na verblyf naby hospitale en skole. Dis in 'n veilige, stil buurt op die grens van Durbanville se wynlande. Die Botterblom Natuurreservaat is binne loopafstand van die eiendom af en daar is verskeie goeie restaurante in nabye omgewing. Die eiendom het elektriese omheining en 'n alarmstelsel.

Die Xino-kamer beskik oor 'n privaat ingang met 24 uur toegang, 'n dubbelbed en 'n en suite-badkamer met 'n bad, stort, toilet en 'n wasbak.

Die kamer lei na die tuin en swembad en het 'n platskerm-TV met volledige DStv, lugversorging, plafonwaaier, elektriese komberse, gratis WiFi en 'n werkstasie vir jou rekenaar of om jou ete by te geniet. Daar is ook 'n kombuisie met 'n yskassie, mikrogolfoond, eetgerei en tee- en koffiemaakgeriewe.

Die tweede en kleiner kamer is die Zizi-kamer en is ideaal vir sakereisigers, 2 tieners wat saam met hul ouers reis, of 2 volwassenes wat op soek is na oornagverblyf. Die kamer lei na die tuin en swembad en het n dubbelbed en 'n en suite-stortkamer en 'n privaat ingang met 24 uur-toegang. Daar is lugversorging, 'n platskerm-TV met DStv, gratis WiFi, 'n kombuisie met koffiegeriewe, eetgerei, mikrogolf en 'n yskassie.

Daar is 'n gemeenskaplike swembad, 'n lapa met gas- en houtbraaigeriewe en oorgenoeg sitplek vir lekker kuier en ontspan. Veilige parkeerplek is op die perseel beskikbaar. Die gemeenskaplike area en tuin het 'n elektriese omheining en 'n alarmstelsel wat die kamers beveilig.

Ontbyt is op versoek teen ekstra koste beskikbaar.

Kry ’n Kwotasie