Abalone Guest House

Voeg by Gunstelinge

Kliek om Galery te Sien

Beskrywing

Abalone Guest House is die perfekte plek om heen te vlug indien jy wil wegbreek van die gejaag en geraas van die stadslewe, en die luuksheid van kalmte en rustigheid wil kom geniet.

Dis geleë in Jakobsbaai aan die Weskus van Suid-Afrika, halfpad tussen Saldanha en Vredenburg. Dié lieflike kusdorpie word dikwels na verwys as die "Namakwaland van die Weskus". Sy kuslyn strek oor 2 km en wissel tussen rotserige oppervlaktes en sandbaaie teen die randjie van die blou see.

Jacobsbaai is slegs 145 km vanaf die Kaap, ongeveer 90 minute se ry. Dis sentraal geleë sodat jy die asemrowende Weskus met al sy juwele kan geniet en beleef. Van die besienswaardighede sluit in Yzerfontein, Langebaan, Weskus Nasionale Park, Saldanha, St Helenabaai, Velddrif, Dwarskersbos, Elandsbaai en vele meer.

Jakobsbaai is enige visserman se droom en die Atlantiese Oseaan bied 'n groot verskeidenheid seekos. Die strand is perfek vir 'n lekker stappie, swem of om net te kom sit met 'n glasie goeie Suid-Afrikaanse wyn en die uitsig geniet. Diegene wat meer avontuurlustig wil wees, kan staproetes aanpak, vlieërplankry, bergfietsry of selfs branderplankry.

Ons bied B&B- asook selfsorg-akkommodasie wat ideaal is vir paartjies of families wat 'n bietjie meer privaatheid verlang. Etes vir selfsorg-gaste kan ook voorsien word, as dit vooraf gereël word. Al ons kamers het pragtige, onbelemmerde see-uitsigte, met ongelooflike pragtige sonsondergange.

Al die gaste het toegang tot die gesellige sitkamer wat 'n heerlike kaggel het wat die sitkamer baie aanloklik maak in die winter! Die sitkamer het WiFi-toegang vir die gaste wat hulle e-posse wil beantwoord. Daar is ook 'n ingeboude braai buite, vir die gaste wat graag self 'n vleisie wil braai, en een krat hout word voorsien.

Die effek wat Jacobsbaai op mens het, laat jou weer besef wat werklik belangrik is in die lewe, en blywend is.

Jacobsbaai is die beslissende Weskus-ervaring!