Acacia@Westdene

Beskrywing

Acacia@Westdene is in Westdene, een van Bloemfontein se mees sentrale woonbuurte. Ons akkommodasie is in 'n lowergroen tuin. Die kamers bied rustige, gerieflike verblyf vir sakereisigers sowel as vakansiegangers.

Die eenhede het hul eie ingange en 'n outomatiese hek bied veilige parkeerplek op die perseel. Ons gaste se gerief is vir ons van kardinale belang en ons voorsien verwarmers in die winter en verkoeling in die somer. Die verblyf se ligging is knus, rustig en veilig. Braaigeriewe is op die perseel beskikbaar.

Die oopplan-area bestaan uit 'n sitarea, 'n slaapkamer en 'n goed toegeruste kombuis. Geriewe sluit 'n haardroër, TV en 'n teeskinkbord in. Die slaapbank is ideaal vir kinders.

Die lodge bied selfsorg- of B&B-akkommodasie. Die sonnige binnehof langs die swembad is ideaal vir skemerkelkies. Die stewige ontbyt sluit tuisgemaakte lekkernye en konfyte in.

Acacia Lodge is gerieflik geleë, 2 minute van die Lochlogan-waterfront en Vodacom-sportgronde af. Die meeste van die groot skole in Bloemfontein is 10 minute se ry van ons af, so ook die Universiteit van die Vrystaat en SUT. Mediclinic-hospitaal is 5 minute en Bloemfontein-Lughawe net 15 minute se ry ver. Die meeste groot besighede is net 10 minute ver. Ons is net 15 minute van die N1 af.

Bloemfontein- en Schoemanpark Gholfbane is net 10 minute van ons af, so ons verblyf is ideaal vir gholf-entoesiaste. Daar is verskeie restaurante stapafstand van ons af.

Ons bestuurder, Gerda, sal jou bystaan met voorstelle vir daguitstappies, gholfbane en vele ander besienswaardighede. Sy is altyd beskikbaar om jou te help en sien daarna uit om jou te verwelkom.