Anesi

Selfsorg

Kapasiteit: 8 mense
Inkloktyd: 14:00 tot 19:00
Uitkloktyd: 10:00
Adres: Elizabeth-Oos 68, Port Owen, Velddrif, 7365, Wes-Kaap
Alle ouderdomme is welkom
Vanaf R4 500 per nag (plek vir 8)

Beskrywing

Anesi is 'n bekoorlike vakansiehuis wat selfsorgverblyf in die Port Owen Marina in Velddrif bied. Die huis spog met lieflike uitsigte oor die kanaal en is 'n ideale plekkie vir 'n gesinswegbreek.

Die huis bied slaapplek aan 8 gaste in 3 slaapkamers. Die hoofslaapkamer het 'n koningingrootte-bed en 'n slaapbank en 'n en suite-badkamer met 'n bad en stort. Die tweede slaapkamer het 'n koningingrootte-bed en 'n slaapbank en die derde slaapkamer het ook 'n koningingrootte-bed en 2 enkelbeddens. Gaste in laasgenoemde twee slaapkamers deel 'n badkamer met 'n stort.

Daar is 'n aangewese waskamer met 'n wasmasjien en tuimeldroër en dit het ook 'n en suite-badkamer met 'n stort en 'n handige buitestort met warm en koue water. Die kombuis is met 'n yskas-vrieskas, gasstoof, oond, mikrogolf, lugbraaier, koffiemasjien en skottelgoedwasser toegerus. Daar is gratis WiFi en 'n slim-TV in die sitarea en daar is 2 slaapkamers met Netflix. 'n Ononderbroke kragtoevoerstelsel voorsien elektrisiteit aan die sitarea se TV en die WiFi gedurende beurtkrag.

Daar is 'n volledig toegeboude speelarea met 'n klimraam en 'n 3 m-trampolien. Visstokke is beskikbaar in die waskamer vir gaste wat wil visvang van die privaat jetty af. Daar is ook 'n 17 voet-boot beskikbaar onderhewig aan bepalings en voorwaardes wat gaste kan huur teen ekstra koste. Veilige parkeerplek is agter 'n afstandbeheerde hek beskikbaar.

Kry ’n Kwotasie