Anna's Cottage

Uitstekend.

Ons het heerlik gekuier. Die kothuis is baie netjies en skoon. Al die klein dingetjies het ons spesiaal laat voel.

Wonderful home away from home.

Not only was the place super clean and airy, but all the little extras like the sherry and biscuits, sweeties, rusks and biscuits and fresh milk for early morning coffee, and the yogurt and muesli was such a treat. Never before have we stayed at a guesthouse and felt so at home as we walked though the door! Comfort and cleanliness is paramount to a pleasant stay, and Anna's certainly met all the criteria and more! I can highly recommend this establishment to anyone!

Netjies, privaat en volledig toegerus.

Baie vriendelike diens en blyplek is skoon, uiters netjies en gerieflik.

Heerlike rustige verblyf.

Ons reis gedurig na Pretoria vir besigheid en bly dan by Anna's Cottage oor. Dis 'n rustige, veilige woonbuurt, goed geleë om vinnig by ander areas van Pretoria en Centurion uit te kom. Die cottage is pragtig skoon en gerieflik ingerig, ook die fyner detail en ekstras maak dit besonders. Van 'n glasie port en soutbeskuitjies by aankoms tot 'n ligte ontbyt in die yskas, beskuit en 'n ietsie soet vir laatnagkoffie, vars melk in die yskas vir 'n ekstra bederfie. Ons gaan telkens terug daarheen en het nog nooit 'n onaangename verblyf gehad nie.

Absoluut fantasties!

Ons maak gereeld gebruik van gastehuise/kothuise. Hierdie plekkie is werklik die beste wat ons nog ooit gebruik het. Silwerskoon en alles is kraakvars en netjies. Die gasvrou het absoluut aan alles gedink, van haardroër af tot oorstokkies en 'n sjerrietjie. Ons sal definitief weer daar tuisgaan!

Tweede keer wat ek hier oorslaap. Gerieflik, netjies, skoon, rustig en veilig. Baie dankie vir die 'bederfies' en sal definitief weer kom.

Weereens geniet en waardeer die moeite met al die ekstras.

Baie lekker gekuier en baie gerieflik.

'n Groter yskas sou waardeer word, maar ons het werklik baie lekker oorgebly. Ons gasvrou Annalize het ons vriendelik ontvang en het selfs vir ons 'n braai voorsien toe ons gas kom kuier het sodat ons 'n vleisie kon braai. Verder skoon, netjies en stil. Baie sentraal vir wat ons in Pretoria die twee dae wou doen. Baie dankie Annalize, ons sal weer van jou verblyf gebruik maak.

Was baie mooi skoon.

Die kleiner detail soos sjerrie en joghurt vir die oggend was 'n lekker bederf.

Very welcoming, clean and tidy.

Service was wonderful. A lovely place to stay. Thank you for the thoughtful touches, Annalize!

Rustig en ontspanne.

Dit was net vir 1 aand om net bietjie alleen rustig te verkeer saam met my lewensmaat weg van die besige lewenstyle wat ons deesdae ons self in vind. Hul sal ons beslis weer sien.

Baie skoon en netjies met oulike ekstras.

Rustige omgewing, baie veilig met veilige parkering, baie skoon en netjies binne. Gasvrou doen ekstra moeite met beskuit en muesli, jogurt ensovoorts.

Baie lekker gebly.

Baie vriendelik ontvang en die verblyf was baie netjies en gerieflik. Dankie vir die lekker bederfies. Sal definitief weer van hulle gebruik maak.

Aangename, veilige en skoon verblyf met klein bederfies van die badkamer tot die kombuis.

'n Heerlike ruim woonplekkie eenkant en privaat met eie ingang en klein stoepie waar jy ook kan braai. Die eenheid is netjies en skoon, met genoeg pakplek vir klere en nog wat. Die kombuis is toegerus met al die nodige, slaapkamer netjies met genoeg kussings en komberse en badkamer netjies en skoon. Klein bederfies wag jou in met jou aankoms - 'n glasie port met sout beskuitjies, die kombuisie het meer as genoeg koffie, tee en suiker van alle soorte, beskuit, soetkoekies vir teetyd, die yskas is gevul met jogurt, melk en bottel water, asook ys, 'n soet bederfie op die bed en in die badkamer vind jy selfs oorstokkies en watte. Werklik 'n aangename verblyf met aangename eienaars wat uit hul pad gaan om te help.

Oulike plekkie en sal weer daar gaan bly.

Die plek is lekker sentraal vir die Centurion-omgewing, dis veilig en netjies. Annelize en Ryno is baie vriendelik en behulpsaam!

Perfek!

Wat 'n wonderlike ervaring was dit nie om by Anna's Cottage te bly! Die gasvryheid was van die beste wat ek al ooit ervaar het: ontvang wonderlik, soveel detail om die verblyf aangenaam te maak, bv. beskuit, joghurt, melk, sjokolade, vrugte en soveel meer. Die kothuis was skoon en gemaklik! Ek sal die plek vir enige een aanbeveel en weer graag daar bly!

Baie vriendelik en behulpsaam.

Skoon, netjiese plek naby Unitas Hospitaal.

Verwelkomend.

Anna's Cottage het in meer as die gewone vereiste voorsien. Dis veilig en smaakvol. Benodig net buite die Cottage 'n duidelike nommer vir outjies soos ons om in die nag die huis te identifiseer. Dankie vir jul gasvryheid.

Fantasties.

Anna's Cottage is privaat, skoon, netjies en baie gerieflik. Die heerlike koffie, beskuit, koekies en vars blomme was 'n bonus. Annalize het gereeld seker gemaak dat ons alles het wat ons nodig het. Ons sal definitief weer gebruik maak van hulle en kan hulle met die grootste vrymoedigheid aanbeveel. Baie dankie.

Uitstekend.

Blyplek fantasties. Personeel uitstekend en behulpsaam. Rustige atmosfeer.

Beste gastehuis in gauteng.

Baie rustige atmosfeer. Wonderlike kliëntediens en vriendelike ontvangs gehad. Baie moeite en aandag is geskenk om ons op ons gemak te laat voel.

I absolutely love this place and would recommend it to anyone! Close to all the malls, modern, homely, private and peaceful.

This cottage is nice and clean and in a good neighbourhood. My husband and I had a perfect stay. No complaints at all, everything was in order. Thank you for the extra coffee, chocolates, rusks and breakfast. I will recommend you to anyone.

Oulike plek, ons het lekker gebly.

Anna's Cottage is 'n privaat selfsorg-cottage wat op die eienaar se perseel geleë is. Die ligging was ideaal vir ons gewees, want dit was naby Rusoord, waar ons wou wees. Daar is 'n afstandbeheerde hek vir veiligheid en parkeerplek vir jou motor voor die cottage. Daar is 'n lig waar jy parkeer, maar dit sou lekker gewees het as daar 'n lig met 'n bewegingssensor was, wat die hoë trap en deur na cottage verlig het. Daar is 'n lig by die deur, maar 'n mens voel nie gemaklik om die lig al vroegoggend aan te sit as jy ry nie en dan eers weer laataand terug te kom nie. Dit voel dis 'n mors van krag. Die cottage is baie gerieflik en het alles wat 'n mens nodig het om gemaklik te bly. Daar was kwaliteit, wit linne op die dubbelbed asook wit handdoeke vir die badkamer. Daar was 'n blompot met 'n vars wit rose, jogurt, gebottelde water en vars melk in yskas om jou tuis te laat voel. WiFi was op versoek beskikbaar. Ryno en Annalize was 'n goeie gasheer en gasvrou en het jou privaatheid gerespekteer. Ons kan Anna's Cottagte aanbeveel.

Lovely cottage and enjoyed sleeping over at Anna's Cottage.

What a lovely cottage and would definitely sleepover again when possible. Will definitely recommend for a stay over in Pretoria. Clean, neat and safe. Thank you for the small extra's such as sweets and rusks, definitely much appreciated.

Was baie aangenaam, privaat en rustig.

Ons is baie vriendelik ontvang, plekkie baie netjies en privaat. Die plekkie is puik geleë. Sal definitief weer gebruik maak van Anna's Cottage.

Privaat en netjies.

Bekostigbare, netjiese verblyf. Sal dit beslis vir vriende en familie aanbeveel.

Fantasties, huislik. 'n Wonderlike klein kothuis wat goed toegerus is.

Dit was 'n wonderlike ondervinding om hier te bly. Die kombuisie is goed toegerus en 'n mens kan sien die eienaar gee werklik om oor die kwaliteit van die diens wat gelewer word. Sou graag weer hier wou bly. Die ingang van die kothuis het 'n trappie wat bietjie hoër as normaal is. Dis dalk nie 100% geskik vir mense met ernstige bewegingsprobleme nie. Dit is nie 'n negatiewe punt nie. Net iets om van kennis te neem siende dat dit naby die hospitaal is.

'n plek om waarlik by te rus.

Ons het twee nagte by Anna's Cottage deurgebring en sal vir seker weer daar bespreek. Die plekkie is privaat en in 'n baie rustige omgewing geleë. Annalize en Ryno is baie gasvry en laat jou baie welkom voel. Die cottage is baie mooi binne en beskik oor als wat jy benodig vir 'n selfsorgeenheid. Ons was lekker bederf, ook met 'n verskeidenheid koffies, muesli, jogurt en beskuit. Ek sal vir seker Anna's Cottage aanbeveel vir vriende en familie.

Netjies, smaakvol en gasvry.

Ons het 4 nagte hier oorgebly en vir ons gevoel of ons by die huis is. Annalize, baie dankie, ons was nie vir een oomblik ongemaklik nie maar het wel baie tuis gevoel. Puik waarde vir geld, veral gemeet teenoor ander in die omgewing! Baie, baie dankie.

Netjiese verblyf en goeie ligging vir hospitale, ens. en vriendelike en omgee gasvrou.

Kan dit aanbeveel vir 'n enkelpersoon wat selfsorg, vir 'n kort periode, wil bespreek.

Lovely place to stay with everything you need!

Beautiful, clean cottage. I had a lovely evening.