Arianoglo Safari Lodge

Wildsplaas

Kapasiteit: 62 mense
Inkloktyd: 10:00 tot 22:00
Uitkloktyd: 16:00
Adres: Plaas 36, Leeuwkloof Park Privaat reservaat, Cullinan, 1002, Gauteng
Alle ouderdomme is welkom
Vanaf R300 per nag (plek vir 4)

Beskrywing

Arianoglo Safari Lodge bied selfsorgverblyf en kamp terrein, geleë tussen die berge in die bosveld in Leeuwkloof Park Privaat Wildsreservaat. Slegs 40 km buite Pretoria, naby Dinokeng. Die verblyf is onafhanklik van die plaaslike kragnetwerk.

Verblyf is beskikbaar in 2 eenhede wat uniek versier is.
Die eerste eenheid is 'n moderne chalet met slaapplek vir 4 gaste, opverdeel in 2 aparte kamers, met 'n deur tussen die kamers. Elke kamer het sy eie ingang van buite, en 'n badkamer met 'n stort, wasbak en 'n toilet. Eenheid is toegerus met 'n yskassie en koffiestasie.

Die tweede eenheid, die Rondawel, het slaapplek vir 10 gaste in 3 slaapkamers. Twee van die slaapkamers het 'n dubbelbed en 'n enkelbed met elk sy eie badkamer met 'n stort, wasbak en 'n toilet. Die derde slaapkamer is 'n solderkamer met 2 dubbelbeddens. Opsie is beskikbaar om die twee dubbelbeddens te verander na vier enkelbeddens. Daar is 'n yskassie en 'n koffiestasie in die eenheid.

Die eiendom het 'n gemeenskaplike toegeruste kombuis en konferensie-area met 'n yskas-vrieskas, stoof, oond en 'n mikrogolf. Dit is ideaal vir spanbou en saam eet. Daar is 'n gemeenskaplike boma met braaigeriewe, 'n vuurput en 'n gasstoof, asook 2 gemeenskaplike swembaddens met 'n dek bo die swembad wat 'n uitsig oor die bos bied.

Die kampeerplekke het krag- en waterpunte. Die kampeerterrein is bedek met bosveldgras en bome vir skaduwee. Dit is naby die ablusie- en braaigeriewe, asook die swembad.

Aktiwiteite sluit wildritte, voëlkyk, wildkyk en vir die kinders 'n klimraam en trampolien. Arianoglo Safari Lodge is oop vir groepbesprekings, verjaarsdagpartytjies, rampartytjies, troues, werksfunksies, spanbou en skool- en jeuggroepe.

Kry ’n Kwotasie