Arrarat

Voeg by Gunstelinge

 

Beskrywing

Arrarat is 'n selfsorg-eenheid met slaapplek vir 4 gaste. Dis in 'n keeromstraat op die mooiste erf op die landgoed, bokant 'n skoonveld geleë. Arrarat spog met onbelemmerde 180°-uitsigte op die berge, oor die gholfbaan, visvangdam en Clarens.

Dié perseel maak nou deel uit van die R-versameling van luukse eiendomme en is tans besig om opgegradeer word om die standaarde te pas.

Daar is geen geboue rondom die eenheid nie en geen verkeer nie omdat dit in 'n doodloopstraat is. Arrarat is dus heeltemal privaat en weg van die alle ander eenhede op die gholflandgoed. Daar is 'n ruim patio wat 'n pragtige uitsig oor die landgoed bied.

Arrarat beskik oor 2 slaapkamers elk met 'n koninggrootte-bed wat op aanvraag in 2 enkelbeddens omskep kan word en 'n en suite-badkamer. Die eerste badkamer het 'n bad en 'n hand-stort en die tweede badkamer het 'n stort.

Die oopplan-kombuis is volledig toegerus. Daar is ook 'n eetkamerstel vir 6 en 'n sitkamer met 'n gietyster-kaggel. Kommersiële DStv-kanale is beskikbaar. Gehalte-toebehore en linne, insluitend donsveer-duvets en -kussings, asook luukse komberse en dekens, word voorsien. Daar is ook 'n espresso-masjien met 4 koffie-kapsules, gaste kan ekstra saambring. Daar is 'n ingeboude Jet Master-braaier en toegang tot die klubhuis is beskikbaar. Gaste ontvang luukse toiletware, japonne vir hom en haar (5-ster-gehalte) en nog meer.

Let asseblief dat onbeperkte hout vir die kaggel in die wintermaande voorsien word. Daar is ook klein verwarmers en eko-muurverwarmers. Warmwatersakke, elektriese komberse en ekstra komberse word voorsien, maar dit is altyd 'n goeie idee om ekstra komberse te bring tydens winter in Clarens.

Parkeerplek is onder 'n groot boom op die perseel beskikbaar en daar is nog parkeerplek in die keeromstraat.
Wonderlike afslag op gholflidmaatskap is ingesluit by die verblyf. Gaste kan net die eiendom se nommer by die Pro-winkel deurgee.

Neem asb. kennis dat daar nie 'n daaglikse skoonmaakdiens is nie. Dit is wel teen 'n ekstra koste beskikbaar.

Slaapplek

'n Bespreking by Arrarat sluit in:

Slaapkamer 1 - Huisves 2 persone
1 x Koninggrootte-bed

Slaapkamer 2 - Huisves 2 persone
1 x Koninggrootte-bed

Kenmerke

  •  Afrikaans
  •  Braaiplek
  •  Troeteldiere indien gereël
  •  Veilige Parkering

Aktiwiteite Naby

  •  Perdry
  •  Visvang
  •  Forelhengel
  •  Voëlkyk
  •  Fietsry
  •  Wildritte
  •  Wildkyk
  •  Begeleide Wandelpaaie
  •  Bergfietsroetes

Geriewe

  •  Braaiplek
  •  Kombuisgeriewe
  •  Geen Rook Binnenshuis
  •  Troeteldiere indien gereël
  •  Satelliet-TV
  •  Selfsorg

Hier praat ons

  •  Afrikaans
  •  Engels

Parkeerplek

  •  Veilige Parkering
  •  24-Uur Sekuriteit

Kaart Meer oor die omgewing 

Gaste wat na Arrarat gekyk het, het ook belangstelling getoon in die volgende lekke plekke:

Vanaf R2 090 per nag (plek vir 4)

Aanvaar aanlynbetaling deur LekkeSlaap.co.za   
Jou webblaaier is verouderd!

Pas jou webblaaier aan om die korrekte webtuiste te sien. Pas my webblaaier aan

086 999 0018 | [email protected]

// Hotjar AB false