Avalon Springs Resort by Dream Resorts

Oord

Kapasiteit: 154 mense
Inkloktyd: 14:00 tot 19:00
Uitkloktyd: 10:00
Adres: Uitvlucht-straat, Avalon Springs, Montagu, 6720, Wes-Kaap
Alle ouderdomme is welkom
Vanaf R1 470 per nag, vir 2 mense

Beskrywing

Avalon Springs Resort by Dream Resorts is 'n gewilde vakansie-oord in Montagu in die Wes-Kaap. Dit is ideaal vir óf 'n romantiese wegbreek, 'n sakereis of 'n gesinsvakansie aangesien dit sowat 2 uur van Kaapstad af geleë is en die oord 'n verskeidenheid aktiwiteite op die perseel bied.

Dié oord bied aan gaste 'n keuse tussen óf hotelkamers wat slaapplek aan 2 of 4 gaste bied óf lieflike bergchalets wat elk slaapplek het tot 4 volwassenes en 2 kinders. Al die hotelkamers het 'n dubbelbed en 'n privaat en suite-badkamer met óf 'n bad en 'n stort óf slegs 'n stort. Skoon, wit linne en badhanddoeke word voorsien, maar gaste moet hul eie swemhanddoeke saambring. Ander geriewe sluit 'n tee- en koffieskinkbord en 'n TV met die volle DStv-pakket in. Gratis WiFi is beskikbaar.

Die bergchalets beskik oor 2 slaapkamers met en suite-badkamers, sowel as 'n dubbelslaapbank in die leefarea wat slegs vir 'n kind geskik is. Beide slaapkamers het 2 enkelbeddens wat op versoek in 'n koninggrootte-bed omskep kan word. Die eerste badkamer het 'n bad, terwyl die tweede badkamer 'n stort het.

Verder het die chalets 'n leefarea en 'n kombuis wat met 'n stoof, oond, mikrogolf, yskas-vrieskas, koffiemasjien, skottelgoedwasser, eetgerei en breekware toegerus is. Daar is ook toonbank met stoele. Die kombuis lei na 'n sitarea met gemaklike sitplek en 'n TV met die volle DStv-pakket. Gratis WiFi is beskikbaar. Buite elke chalet is 'n onderdakstoep met 'n etenstafel en 'n ingeboude braai wat die ideale plek vir 'n skemerkelkie is.

Avalon Springs bied asemrowende uitsigte en het 'n kinderspeelarea, 2 restaurante, 'n kafee, 'n gastesitarea en 'n spa. Daar is ook verhitte swembaddens, voetslaanroetes, mini-gholf- en tennisbane.

Kry ’n Kwotasie