Broadway Guest House

Dié ruim gastehuis is langs die Louis Leipoldt Hospitaal in Broadwaystraat in die stil woonbuurt, Boston, in Bellville geleë. Die gastehuis bestaan al vir meer as 15 jaar en spog met 'n gerief en vriendelike, persoonlike diens.

Veilige parkeerplek is op die perseel agter 'n sekuriteitshek beskikbaar. Die gastehuis het 10 ruim kamers met lugversorging.

Die groot gemeenskaplike sitkamer is ideaal vir koel winterdae en in die somer kan gaste lekker langs die braaivleisvuur in die binnehof kuier.

Elke en-suite kamer is elegant gemeubileer en vier 'n Broadway-ster van vervloë jare. Kom bly in die Marilyn Monroe-kamer,…

Sien meer

Dié ruim gastehuis is langs die Louis Leipoldt Hospitaal in Broadwaystraat in die stil woonbuurt, Boston, in Bellville geleë. Die gastehuis bestaan al vir meer as 15 jaar en spog met 'n gerief en vriendelike, persoonlike diens.

Veilige parkeerplek is op die perseel agter 'n sekuriteitshek beskikbaar. Die gastehuis het 10 ruim kamers met lugversorging.

Die groot gemeenskaplike sitkamer is ideaal vir koel winterdae en in die somer kan gaste lekker langs die braaivleisvuur in die binnehof kuier.

Elke en-suite kamer is elegant gemeubileer en vier 'n Broadway-ster van vervloë jare. Kom bly in die Marilyn Monroe-kamer, of miskien verkies jy die Elvis Presley-kamer. 'n Paar van die kamers lei na 'n beskutte binnehof wat jou buitemuurse privaatheid verseker.

Elke kamer het 'n dubbelbed, TV en 'n yskassie. 'n Paar van die kamers het ook 'n slaapbank indien ekstra slaapplek benodig word. Daar is koffie- en teemaakgeriewe in die kamers beskikbaar. Smul aan 'n Kontinentale ontbyt wat in die eetkamer bedien word. 'n Wasgoeddiens is op versoek beskikbaar.