Bush Lilly Cottage

Selfsorg

Kapasiteit: 6 mense
Inkloktyd: 14:00 tot 19:00
Uitkloktyd: 10:00
Adres: Gazelle-straat 59, Numbi Park, Hazyview, 1242, Mpumalanga
Alle ouderdomme is welkom
Vanaf R1 800 per nag (plek vir 6)

Beskrywing

Bush Lilly Cottage is 'n selfsorgeenheid in Hazyview. Die eenheid is ideaal vir 'n gesin of groep vriende wat op soek is na 'n afgesonderde vakansie in die laeveld.

Die eenheid bied slaapplek aan 6 gaste en beskik oor 2 slaapkamers en 'n badkamer. Die hoofslaapkamer het 'n koningingrootte-bed, 'n spieëltafel en ingeboude kaste en die ander slaapkamer het 'n koningingrootte-bed, 2 enkelbeddens, 'n spieëltafel en ingeboude kaste. Die badkamer het 'n stort. Daar is ook 'n gastetoilet. Alle linne en badhanddoeke word voorsien.

Die leefarea beskik oor 'n eetarea, sitarea en kombuis. Die kombuis is met 'n stoof, oond, yskas-vrieskas, skottelgoedwasser, tee- en koffiemaakgeriewe, eetgerei en breekware toegerus. Die eetarea het 'n etenstafel met 6 stoele. Die sitarea het 'n gemaklike sitkamerstel, 'n koffietafel en 'n TV.

Die eenheid het ook 'n plonspoel en 'n onderdaklapa met ingeboude braaigeriewe en 'n buitelug-eetstel wat geskik is vir 6 gaste. Gaste het 'n uitsig oor die bosveld en kan verwag om voëls en apies te sien. Veilige parkeerplek is beskikbaar.

Kry ’n Kwotasie