Cabin16 @Riviera Wharf

Selfsorg

Kapasiteit: 4 persone
Inkloktyd: 14:00 tot 19:00
Uitkloktyd: 10:00
Adres: Port Natal-weg 133, Riviera Wharf, Hartenbos, 6520, Wes-Kaap
Alle ouderdomme is welkom
Vanaf R990 per nag (plek vir 4)

Beskrywing

Cabin16 @Riviera Wharf is 'n eenslaapkamer-selfsorg-eenheid op die grondverdieping van die Riviera Wharf Hotel Hartenbos, op die oewer van die Hartenbosrivier. Daar is 'n kragopwekker wat outomaties aanskakel wanneer kragonderbrekings plaasvind. Die ATKV-amfiteater is ook naby geleë.

Dié moderne woonstel bied slaapplek aan 4 gaste. Die slaapkamer het 'n koningingrootte-bed, 'n spieëltafel en baie kasspasie vir bagasie. Die badkamer het 'n bad, stort, wasbak en 'n toilet.

Daar is lugversorging in die oopplan-kombuis, -eetarea en -sitarea. Die kombuis is met 'n stoof, oond, yskas-vrieskas, mikrogolf, eetgerei en breekware, asook tee- en koffiemaakgeriewe toegerus. Daar is ook 'n wasmasjien, 'n tuimeldroër, 'n toonbank en eetkamertafeltjie.

Die kombuis lei na 'n sitarea met 'n gemaklike L-vormige rusbank en 'n uitvou-dubbelslaapbank. Ander geriewe sluit 'n grootskerm-TV met die volle DStv-pakket en beperkte WiFi in. Die WiFi werk nie tydens beurtkrag nie, maar die ligte, geiser en TV bly wel aan.

Die stoep bied buitesitplek waar gaste lekker kan braai na 'n lang dag op die strand. Op die perseel kan gaste ook die swembad- en braaigeriewe gebruik. Die restaurant en kroeg in die hotel bied heerlike maaltye.

Veilige, gratis en aangewese parkeerplek onder 'n skadunet is op die perseel beskikbaar.

Die strand is ongeveer 300 m van die eenheid af en die waterpark en pretparke is ook stapafstand ver.

Let asb. daarop dat dat die WiFi en elektrisiteit per dag heeltemaal genoeg vir normale daaglikse gebruik is. Dit word egter beperk en indien gaste meer as die bedrag benodig, dit self opgelaai kan word.

Kry ’n Kwotasie