Die Rand Akkommodasie by A Chateau de Lux Guest House | LekkeSlaap

+55

A Chateau de Lux Guest House

141 resensies

Gastehuis

Kapasiteit: 20 persone
Inkloktyd: 14:00 tot 22:00
Uitkloktyd: 10:00
Adres: Coetzeestraat 9, Upington, 8800, Noord-Kaap
Alle ouderdomme is welkom
Vanaf R600 per nag (plek vir 2)

Beskrywing

A Chateau de Lux Guest House is 'n gastehuis in Upington waar almal 'n koning of 'n koningin is. Ons is gerieflik geleë vir reisigers en besoekers wat die omgewing wil verken. 700 m vanaf 'n mall, 2,3 km vanaf skole en klinieke, 5,2 km vanaf die lughawe, 2,3 km vanaf Upington-skougrond, 2 km vanaf die middestad en sowat 1 km vanaf die munisipale swembad.

Ons het 9 pragtige versierde kamers met gerieflike meubels. Elke kamer het 'n dubbelbed, en suite-badkamer met bad of stort, TV, yskas en lugversorging. Een van die kamers het slaapbanke en toegang tot die braaiplek of die tuin. Kamers se tariewe wissel volgens grootte. Van die kamers is ook toegerus met lessenaars of tafels vir sakelui.

Gaste is welkom om te ontspan in die skaduryke tuin of heerlik af te koel in die swembad. Geen besoekers word toegelaat nie. Geen geraas of musiek word geduld nie. Slegs een waarskuwing word gegee en geen terugbetalings wanneer gaste gevra word om die perseel te verlaat nie. Parkeerplek word voorsien. Die kamers word daagliks skoongemaak en as jy langer wil vertoef, kan 'n wasgoeddiens teen 'n ekstra koste gereël word.

Upington is 'n oase en 'n toegangspoort tot die formidabele Kalahari-woestyn. Die Oranjerivier loop deur die stad en voorsien water vir die wingerde en vrugteboorde. In die somer baljaar watersportliefhebbers op die rivier. Die gematigde winters en rustige atmosfeer maak van Upington ook 'n gewilde wegbreekplek buite seisoen.

Kry ’n Kwotasie