Cozy Lake Cottage

Selfsorg

Kapasiteit: 5 mense
Inkloktyd: 14:00 tot 19:00
Uitkloktyd: 11:00
Adres: Blue Waters 21, Willie van Zyl-rylaan, Clanwilliam, 8135, Wes-Kaap
Alle ouderdomme is welkom
Vanaf R1 747 per nag (plek vir 5)

Beskrywing

Cozy Lake Cottage is in Clanwillian geleë. Dié lieflike dorpie skuil aan die voet van die Sederberge en is vir rooibostee en die mooiste veldblomme bekend. Dit is die ideale plek vir gaste wat wil ontspan en herlaai.

Die kothuis bied slaapplek aan 4 volwassenes en 1 kind en beskik oor 2 slaapkamers, 1 badkamer, 'n kombuis en 'n leefarea. Die hoofslaapkamer het 'n dubbelbed en die tweede slaapkamer het 2 enkelbeddens. Die badkamer het 'n stort, toilet en 'n wasbak. Daar is 'n knus leefarea met 'n rusbank en 'n platskerm-TV in die solder op die boonste verdieping. Gratis WiFi is ook beskikbaar.

Die oopplan-kombuis op die onderste verdieping is met 'n yskas-vrieskas, stoof, oond, mikrogolfoond, skottelgoedwasser, wasmasjien, basiese eetgerei, breekware en tee- en koffiemaakgeriewe toegerus. Dié area lei na die tweede leefarea waar daar ekstra sitplek en 'n enkelslaapbank is.

Gaste het toegang tot 'n groot stoep met 'n hangmat en 'n uitsig oor die sonsondergang. Die groot tuin bied braaigeriewe en 'n etenstafel met stoele. Veilige parkeerplek is op die perseel beskikbaar.

Kry ’n Kwotasie