Cranes Nest Guest House @ 208

Voeg by Gunstelinge

 

Beskrywing

Cranes Nest Guest House @ 208 is langsaan die Austin Roberts Memorial Bird Sanctuary in New Muckleneuk geleë. Dié gastehuis is geskik vir sakereisigers of vakansiegangers, en bied maklike toegang tot die natuur of Brooklyn Mall. Die gewilde Blue Crane Restaurant is in die bewaringsgebied en kyk uit oor die meer in die Austin Roberts Voëlpark. Dis ’n gewilde plek waar jy meer as 189 verskillende voëlspesies kan sien.

Verblyf word in ’n selfsorg-eenheid met 3 slaapkamers, ’n gesinseenheid met 2 slaapkamers, of ’n dubbelkamer gebied. Elke slaapkamer is omring deur ’n pragtige tuin. Gratis WiFi is beskikbaar in elke eenheid.

Die Swallow Kamer bied slaapplek aan 2 gaste in 2 enkelbeddens wat in ’n koninggrootte-bed omskep kan word. Die kamer het lugversorging, ’n lessenaar, alarm, haardroër, plafonwaaier, verhittingspaneel en 'n telefoon. Daar is ’n platskerm-TV met sekere DStv-kanale, 'n yskassie en tee- en koffiemaakgeriewe. Die badkamer het ’n stort, toilet en 'n wasbak.

Die Weaver en Woodpecker Kamers vorm saam ’n tweeslaapkamer-gesinseenheid wat slaapplek aan 4 gaste bied. Die Weaver Kamer het ’n koninggrootte-bed wat in 2 enkelbeddens omgeskep kan word en ’n en suite-badkamer met ’n stort. Woodpecker het lugversorging en 2 enkelbeddens wat in ’n koninggrootte-bed omskep kan word. Die kamer deel ’n badkamer met die Weaver Kamer. Daar is ’n yskas, mikrogolfoond en 'n broodrooster by die ingang van die eenheid. Elke kamer het ’n lessenaar, alarm, haardroër, plafonwaaier, verhittingspaneel en 'n telefoon. Die kamers het ook ’n platskerm-TV met sekere DStv-kanale en tee- en koffiemaakgeriewe.

King Fisher, Lovebird en Owl vorm saam ’n drieslaapkamer-selfsorghuis wat slaapplek aan 6 gaste bied. King Fisher het lugversorging en ’n koninggrootte-bed wat in 2 enkelbeddens omskep kan word. Die Lovebird-kamer het ook 2 enkelbeddens wat in ’n koninggrootte-bed omskep kan word en die Owl-kamer het ’n dubbelbed. Elke kamer het ’n alarm, haardroër en 'n telefoon. Daar is ook ’n platskerm-TV met DStv-kanale en tee- en koffiemaakgeriewe. Die huis het 1 badkamer, ’n kombuis, sitkamer, eetkamer en 'n patio. Die kombuis is volledig toegerus met ’n stoof, oond, yskas-vrieskas, mikrogolfoond, eetgerei en breekware. Daar is ook ’n skottelgoedwasser, wasmasjien en 'n tuimeldroër. Die eetkamer het ’n kaggel wat na die stoep lei en dit kyk uit oor die tuin.

Kenmerke

  •  Afrikaans
  •  Swembad
  •  Braaiplek
  •  Troeteldiere indien gereël
  •  Veilige Parkering
  •  Gratis WiFi

Aktiwiteite Naby

  •  Perdry
  •  Voëlkyk
  •  Fietsry
  •  Swem
  •  Tennis

Aktiwiteite op perseel

  •  Swem

Betaalopsies op Perseel

  •  Visa
  •  Mastercard
  •  American Express
  •  Diners-kaart
  •  Kontant
  •  Elektroniese Fondsoorplasing

Geriewe

  •  Lughawe-pendeldiens Op Versoek
  •  Swembad
  •  Braaiplek
  •  Kombuisgeriewe
  •  Wasgoeddiens
  •  Geen Rook Binnenshuis
  •  Troeteldiere indien gereël
  •  Satelliet-TV
  •  Selfsorg
  •  Daaglikse Skoonmaakdiens
  •  Gratis WiFi
  •  WiFi

Hier praat ons

  •  Afrikaans
  •  Engels

Maaltye Aangebied

  •  Ontbyt
  •  Aandete Op Versoek
  •  Etes Op Versoek

Parkeerplek

  •  Veilige Parkering
  •  Agter Elektriese Hek
  •  Onderdakparkering
  •  Parkering Van Die Straat Af

Kaart Meer oor die omgewing 

Gaste wat na Cranes Nest Guest House @ 208 gekyk het, het ook belangstelling getoon in die volgende lekke plekke:

Vanaf R980 per nag (vir 2 mense)

Aanvaar aanlynbetaling deur LekkeSlaap.co.za   
Jou webblaaier is verouderd!

Pas jou webblaaier aan om die korrekte webtuiste te sien. Pas my webblaaier aan

086 999 0018 | besprekings@lekkeslaap.co.za