De Waterkant Townhouse

Selfsorg

Kapasiteit: 6 mense
Inkloktyd: 15:00 tot 18:00
Uitkloktyd: 10:00
Adres: Jarvisstraat 27A, De Waterkant, Kaapstad, 8051, Wes-Kaap
Alle ouderdomme is welkom
Vanaf R6 000 per nag (plek vir 6)

Beskrywing

De Waterkant Townhouse is 'n pragtig versierde oase van gerief en styl in die hartjie van die De Waterkant Cape Quarter-ontwikkeling.

Die stylvol gemeubileerde meenthuis bied slaapplek aan 6 gaste en beskik oor 3 slaapkamers, 3 badkamers, 'n kombuis en 'n leefarea. Al 3 slaapkamers is op die boonste verdieping en het koningingrootte-beddens. Die hoofslaapkamer se en suit-badkamer het 'n bad en 'n stort en die ander 2 en suite-badkamrs het slegs 'n stort.

Die ruim oopplan-kombuis is met 'n yskas, gasstoof, oond, mikrogolfoond, broodrooster, skottelgoedwasser, eetgerei, breekware en tee- en koffiemaakgeriewe toegerus. Daar is 'n etenstafel met stoele wat deel van die leefarea met 'n sitkamerstel vorm. Daar is ook 'n platskerm-TV met Netflix en gratis WiFi is beskikbaar.

Die skuifdeur maak oop na 'n klein tuinarea met 'n plonspoel en die dak het 'n lieflike tuin met sitplek vanwaar gaste die uitsig oor die stad en op Tafelberg in die verte kan geniet. Veilige parkeerplek is in die kelder vir 1 voertuig beskikbaar.

Kry ’n Kwotasie