Doringpoort: Lemoentjiedoring 1621 Self-catering Accommodation

Aangename en rustige verblyf.

Ons het baie lekker by Lemoentjiedoring gebly. Die chalet is baie skoon, goed toegerus en in 'n baie mooi omgewing. By ons aankoms is ons baie hartlik verwelkom. Ons het wel ondervind dat die warmwatertoevoer in die stort kort-kort onderbreek word. Sal dit enige tyd aanbeveel.

Fantasties. Sal definitief weer gaan.

Die bestuur is tops en vriendelik.

Rustig, stil, gerieflik, netjies. Ons sal dit weer doen.

Ons het baie lekker gerus. Die stilte is waardevol. Die plek was netjies en ons is vriendelik ontvang. Alles in werkende toestand. Behalwe: Die"tyre"-stoele pas nie by die hoë standaard nie en die binne-opwasbak is baie beknop en kan ewe maklik na buite geskuif word aangesien dit tog 'n buite-kombuis eenheid is. Die nagapies wat ons besoek het, en lekker deur ons bederf is, het diep in ons harte gekruip. Te pagtig vir woorde. Ons sal lag-lag weer daar gaan kuier.

Lekker om na lang pad in 'n skoon en netjiese plek te kon oornag.

Ontvangs vriendelik, skoon eenheid en gerieflik toegerus

Dit is alles pragtig, net die stort is of warm of koud en lyk my hulle kan dit nie regstel nie.

Ons het 'n paar keer genoem dat die stort 'n probleem is en hulle het probeer om dit reg te stel sonder sukses.

Lovely.

A beautiful little cottage in an amazing setting with easy access to the river. Awesome, friendly service. PS: our unit was changed to Delgoa to suit weather etc. which was very considerate.

Wonderlik

Sal defnitief die plekkie aanbeveel aan mense. Carien is vriendelik en bespreek alle ritte en aktiwiteite by die Kruger namens jou. Wonderlike diens en verblyf

Uitstekend. Naby Krokordilbrughek van die Krugerwildtuin. Rustig, in die natuur.

Bosbokke en nagapies kom kuier in die aand. Daar is heelwat wilde diere in Marloth Park, dit is raadsaam om nie in die skemer, teen dagbreek of in die donkerte rond te stap nie. Doringpoort skiets niks te kort nie. Gaan ontspan daar!

Rustig, lekker gerus.

Dit is nou waarde vir geld. Netjies, skoon, vriendelike personeel en eienaars. Ek en my man gee hulle 'n volle tien uit tien, beveel Doringpoort ten volle aan.

Lekker gebly, alles skoon en goeie diens.

Sien sterre.

Snoesige eenheid, ideaal vir 'n romantiese aandjie weg van die alledaagse roetine.

Knus, moderne eenheid met alles wat jy nodig het. Sal beslis weer kom kuier. Net 2 punte wat gepla het: Eerstens, ons het gesukkel om die plek te kry, die GPS-koördinate asook Google Maps het ons nie gehelp om by die lodge uit te kom nie. Ons kon nie die eienaar in die hande kry nie, want die selfoon van die kontaknommer wat aan ons gegee is, was afgeskakel (die eienaar het aan my verduidelik) maar as 'n hotelier self moet jy 'n betroubare kontaknommer hê om gaste by te kan staan soos ons verlang het. Ná amper 45 minute se rondry het ons by die winkel in Marloth gaan hulp vra om by die straat uit te kom waarin die lodge is. By die lodge aangekom het dit 'n verdere 15 minute gevat om te wag om iemand te kry om ons te help. Een van die ander huisies se mense het teruggekom van hul rit af en kon vir ons 'n alternatiewe nommer gee om die eienaars te bereik. Tweedens kyk asseblief na die stort se water - mens moet regtig spook om die regte temperatuur te kry om te kan stort, want dit is óf te warm óf te koud.

Owners very friendly and helpful.

Very safe and quite place.

Zeer rustig, mooie natuur.

Comfortabel chalet, mooi ingericht. Vriendelijk onthaal.

Awesome plek.

Goeie diens en mense.

Puik.

Eienaars is baie gaaf en laat mens baie welkom voel.

Die eenhede is baie skoon en netjies.

Die mense is baie vriendelik en behulpsaam. Hulle is ook baie gasvry. Hulle is altyd beskikbaar as jy iets nodig het, en doen moeite om die verblyf so gerieflik as moontlik te maak. Ruil ook gereeld die handdoeke met skones soos nodig.

Aangename verblyf teen bekostigbare tariewe.

Ons was aangenaam verras met die netheid van die verblyf. Dit is volledig toegerus met kwaliteit toerusting, naby die rivier en met 'n aangename, hulpvaardige gasheer en gasvrou, goed geleë vir dagbesoeke aan die Krugerwildtuin. Ons sal beslis weer daar besoek as die geleentheid daar is.

Rus en vrede in die bos.

Oom Heystek en Tannie Amanda het uit hulle pad gegaan om my tyd in die bos so gemaklik en rustig as moontlik te maak. Die geriewe is uitstekend en ek kon nie vir beter gevra het nie.

Heerlik gekuier en eienaars baie vriendelik.

Baie dankie vir 'n heerlike tydjie by julle. Hoop om gou weer daar te gaan kuier.

Absoluut fantasties!

Wat 'n ongelooflike ervaring. Vriendelik, veilig, netjies, 'n oasis in die bos. Ek sal beslis weer daar gaan kuier!

Fantasties.

Heystek en Amanda is baie vriendelike mense. Ons huis was perfek geleë, dis skoon, netjies en als wat jy nodig het is daar. Mooi en rustige tuin. Diere het ons in die aande kom groet. Sal beslis elke keer teruggaan. Baie dankie.

Mooi stil plekkie by die Kruger.

Dis 'n lieflike stil plekkie digby die Kruger. Die vriendelike gasvrou en gasheer sorg vir hulle gaste se behoeftes. Die WiFi is redelik swak, maar dis nie hoekom mense hiernatoe reis nie. Die woonstelletjie was skoon met alles wat mens nodig het. Die plekkie is stil en baie veilig, en daar's ook 'n afdak vir jou motor. Die wilde diere (kameelperd, volstruis en wildebeeste) sorg vir 'n unieke atmosfeer. Die plaaslike winkels het ook alles wat mens dalk by die huis vergeet het.

Pragtig!

Ons het heerlik gebly. Lemoendoring is pragtig en netjies. Ons sal beslis weer daar gaan bly.

Die moeite werd.

Lekker plekkie om by oor te slaap.

Small, but comfortable.

This is a very nice place, the only problem I had was the internet connection ─ there is none and especially with MTN I am not sure about the rest of the service providers. But yes it’s a fantastic place book for sure.

Wonderlike gasvryheid saam met wonderlike verblyf.

Ons het regtig baie lekker gebly en die mense aan wie die plek behoort was baie vriendelik en tegemoetkomend met ons. Ek sal vir seker weer daar gaan bly. Dit is die beste waarde vir geld wat ek in 'n lang tyd gekry het. Baie dankie!

Skoon, netjies en goed toegerus.

Baie aangename omstandighede binne pragtige natuurskoon. Die koedoebul wat sowat 6 m van ons af aan die granadilla plant kom vreet het was vir ons 'n seën. Ons kon lekker ontspan.

Verblyf was puik. Baie netjies binne en buite.

Ons sal vir seker weer van bogenoemde verblyf gebruik maak. Ontvangs was vriendelik en behulpsaam. Ons het heerlik gerus. Plek is pragtig!

Wonderlik!

Heerlik gekuier. Die gasvrou en -heer was baie vriendelik en het ons heerlik bederf. Sal beslis weer gaan. Die diere wat kom kuier het, was 'n groot pluspunt.

Duur vir wat jy betaal.

Duur vir twee mense, gelukkig was ons die enigste gaste.

Asemrowende en rustige natuurskoon waar siel en hart kan rus en geniet.

Die personeel is baie vriendelik en behulpsaam en mens voel sommer tuis. Dit was belewenis en asemrowende natuur. Mens rus lekker en geniet die vakansie ten volle. Daar is geen tekortkominge nie, uiters beleefd en professioneel.

Uitstekend, rustig en lekker.

Dit was baie rustig gewees, die mense was baie vriendelik en behulpsaam. Ek sal elke keer teruggaan.

Dit was baie lekker gewees

Dit is 'n baie mooi plek netjies baie lekker kuierplek ook.

Immaculate accommodation.

Great location, close to Kruger Park.

Netjies en rustig.

Heysteek en Amanda het ons as 'n familie baie tuis laat voel. Hulle is goed met kinders en is altyd bereid om 'n draai te kom maak om te hoor of daar enige iets kort. Hulle sal ons beslis weer sien.

Uitstaande!

Dis soos 'n huis weg van die huis af.

Awesome mense.

Die mense is awesome en was baie vriendelik gewees en ons het baie, baie lekker gekuier saam met hulle. Baie nice!

Dit was die rustigste, wonderlikste vakansie ooit! Sal definitief weer gaan.

Ons het dit verskriklik baie geniet. Plek is skoon en netjies. Geen probleem met water, elektrisiteit of enigiets anders. Eienaars baie gasvrye mense. Het heerlik gekuier en sal vir seker weer soontoe gaan. As jy van die bos hou is hierdie die plek om heen te gaan.

Sal definitief weer soontoe gaan.

Baie lekker. Sal weer soontoe gaan!

Die eienaars was baie behulpsaam, vriendelik en tegemoetkomend, ons sal vir seker weer daar oorbly.

Sien sterre.

Fantastiese verblyf met die bos op jou voorstoep!

Van aankoms tot vertrektyd was een heerlik ontspanne 6 dae. En meer vriendeliker en altyd beskikbare eienaars as Heystek en Amanda sal jy vêr soek om te kry. Doringpoort word onberispelik instandgehou. Die chalet was volledig toegerus met alles wat mens nodig het, asook 'n heerlike braaiarea en sitplekke. Dan is daar nog 'n plonspoel ook by elke eenheid wat silwerskoon was (in die winter) en saans as die son sak kom die koedoes, zebras, kameelperde en vlakvarke so naby jy kan letterlik aan hulle raak. Om nie te praat van die Krokodilrivier en Kruger se grensdraad wat 2 minute se stap weg is waar jy sundowners op sitbanke bokant die rivier kan geniet nie, met die wild in die rivier 'n ekstra bonus! En slegs 20 minute se ry na die Kruger se Krokodilbrug-hek toe. Hemels - dankie Heystek en Amanda, julle sien ons beslis weer!

Clean, compact and comfortable.

Owners were very helpful with advice on where to see what in the Kruger.

Baie goed.

Baie goed, stort se warm/koue water menger werk nie heeltemal nie.

Wonderlike naweek by die pragtige plek en mense!

Heystek en Amanda het ons naweek baie spesiaal gemaak en ons kan hulle verblyf met die grootste vrymoedigheid aanbeveel! Die dekor en geriewe was ongelooflik mooi, netjies en skoon. Terselfdetyd was ons regtig in die bos.

Die verblyf was aangenaam en Heystek en Amanda is baie vriendelik en behulpsaam.

Wat wel kan verbeter is: Televisie in die eenheid - die prys vir die eenheid is dieselfde as die ander eenhede maar die ander het wel televisie in die eenheid. Die koningingrootte-bed is lekker maar dit neem die bietjie ekstra spasie op sodat daar aan die een kant glad nie 'n tafeltjie of kassie langs die bed is nie en die staanlamp en gordyn in die middel is bietjie in die pad om iets anders daar te plaas. Die gordyn wat in die middel hang is regtig oorbodig, net 'n versiering, en in die pad van die person wat aan daardie kant van die bed slaap. Die weer was lekker en ons het die meeste van die tyd gedurende die dag buite op die stoep spandeer. As die weer sleg is sal ten minste nog 'n stoel binne nodig wees, 'n klein tafeltjie met twee stoele binne kan ook help as meer tyd binnenshuis spandeer word. Die gordyn teen die muur aan die weste kant behoort te kan oopskuif vir meer lig. Die strate in Marlothpark is vrot en dit lyk nie of die plaaslike "munisipaliteit" enige aandag daaraan gee nie. Dit sit mense met "laer" motors af om van die teerpad af te gaan die "paadjie" langs die draad is besig om in 'n 4x4-roete te ontaard wat ander persone kan ontmoedig om dit te gebruik. Daar was nie voldoende inligting oor waar moontlike nat wasgoed/handdoeke gehang kan word nie, 'n noodlyn is by die parkeerafdak gespan maar dit is waarskynlik nie die beste posisie nie.

Gerieflik, veilig en waarde vir geld.

Heystek en Amanda was baie gasvry en het ons baie welkom laat voel. Ons verblyf was gerieflik, netjies en veilig en ons het vir seker tuis gevoel. Dit wat ons gekry het is elke sent werd. Ons sal vir seker weer by hulle tuisgaan en dit vir vriende en familie aanbeveel.

Het baie tuis gevoel.

Sal enige tyd weer hier tuisgaan. Het gevoel soos deel van 'n familie.

Puik.

Ek beveel dit ten sterkste aan!

Baie vriendelike ontvangs, 'n baie mooi kamer. Ons sal graag weer daar bly.

Ons het die verblyf by Knoppiesdoring geniet - die eienaars doen baie om dit aangenaam te maak.

Skoon en netjiese verblyf in die natuur.

Hartlike ontvangs. Aangename verblyf, dierbare mense en 'n rustigheid waar jy werklik kan ontspan!

Van die beste nog besoek.

Eienaars doen ekstra moeite. Verskeie wooneenhede wat baie netjies is en vir families en enkelinge voorsiening maak.

Pragtige omgewing, rustig, pynlik netjies en skoon en baie gerieflik.

Wat 'n wonderlike plek om te oornag, wens ons kon langer bly. Geriewe is van hoogstaande gehalte, die "hosts" Heystek en Amanda is baie vriendelik en behulpsaam. Sal graag weer eendag daar wil aandoen.

My en my eggenote se verblyf by Knoppiesdoring was baie aangenaam.

Die eienaars het ons by die motor kom ontmoet en die aand genooi om saam met die ander gaste te kom braai. Dit was so rustig en ontspannend om na die naggeluide van die diere en die geknetter van die vuur te luister. Oor dit alles het die byna tasbare stilte van die bos gehang soos 'n groot kombers. Die verblyf is baie gerieflik, die bed was net reg en die diens was vriendelik. Hoogs aan te bevele.

Baie lekker.

Baie lekker gekuier. Plek skoon en netjies. Sal weer van akkommodasie gebruik maak.

Baie goed.

Die eienaar was besig met opgraderings aan sy gasteguis. Hy het ons toe opgradeer na sy ander eenheid langsaan. Dit was uitstekend. Skoon en netjies. Sal vir seker weer daar oorslaap.

Ek het besonder lekker gekuier in Doringpoort: Knoppiesdoring en is op die hande gedra!

Ek was baie goed ontvang en die huis was skoon en versorg. Geen meubels of versierings in die huis is afgeskeep nie en die atmosfeer was beslis classy. Ek sou in Kremetart gebly het, maar omdat daar aan gewerk word, is ek in Kameeldoring geplaas. Ek het al voorheen in Marloth gebly en hierdie akkkommodasie in Doringpoort, meer spesifiek Kameeldoring was beslis die beter plek. Aangesien ek alleen was, is ek gereeld gekontak deur Amanda en Heystek om seker te maak dat ek veilig is.

Baie gerieflike en netjiese verblyf.

Vriendelik ontvang en alles wat ek nodig gehad het was beskikbaar.

Oornag in 'n moderne woonstel.

Die woonstel is gerieflik om in te oornag, modern en bevat al die toerusting wat jy nodig het vir kosmaak!

Dooringpoort, Knoppiesdoring het al my verwagtinge oortref "A piece of Heaven in Africa".

Toe ons sukkel om die plek te kry en later besef die aanwysings op ons gestuurde padkaart is verkeerd en mymeter teen 200 grade kook en die hitte ook nog 'n slag wil slaan, het ek gedink hier kom 'n ding met hierdie wegbreek. Niemand wil verdwaal 18:00 die aand in 'n gedeelte in Afrika baby die Mozambiekse grens nie. Maar groot was my verbasing toe ons by die plekkie arriveer met die eienaars as ons GPS. Een groot piekniek mandtjie vol liefde het ons by hul tuiste gevind en alles was toe vergewe en vergete en die stilte in die middel van die bos en hul pragtige twee kinders en die ou huishulp Nora het dit 'n wegbreek gemaak wat ons definitief weer sal besoek. 5/5.

Gerieflike, waarde vir geld verblyf

Baie netjiese, skoon en veilige verblyf. Die eienaars is baie gasvry. Ek beveel dit graag aan.

I give a 4 out f 5!

I only have good things to say. We enjoyed our stay and will make use of them again should we visit the area again.

My verwagtinge oortref.

Die aandag aan detail laat mens voel die eienaars gee om vir hul gaste en dié se gerief. Alles wat mens benodig is daar. Uiters netjies en gerieflik. Hartlike ontvangs gewees. Ek kan dit beslis vir enige toeris aanbeveel.

Baie rustig, kan lekker ontspan.

Het baie lekker gerus, uitsig is baie mooi, kamers is baie mooi, al voorstel wat ek het is om in die 2 slaapkamers ook 'n vollengte spieël in te sit. Ons sal vir seker weer daar kom bly, en vriende saamvat!

Baie netjies en goed geleë. Sal weer besoek.

Vriendelike ontvangs. Alles wat benodig word vir gerieflike verblyf en baie rustige atmosfeer.

Very nice.

Very nice people and the place.

Sal plek definitief kan aanbeveel.

Plek was bietjie klein vir ons twee maar uiters netjies met alles wat jy nodig het. Eienaars was baie gasvry en het ons absoluut tuis laat voel vanaf dag een.

Huisie baie klein.

Ons voel dat die pys wat ons betaal het te duur is vir die huis, baie ongerieflik.

Vriendelike mense, gasvry, skoon, goeie waarde vir geld, en baie rustige atmosfeer.

Vriendelike gasheer, baie behulpsaam en vriendelik. Akkommodasie baie goed, met als wat jy nodig het. Ons het nie vertrek as toeriste nie, maar eerder as vriende.

Fantasties.

Baie dankie Heystek vir 'n puik kuier, dankie vir jou gasvryheid, dit was aangenaam om by jou te kom kuier, sal dit beslis aanbeveel.

Ongelooflik lekker.

Heystek is 'n gasheer duisend. Ons was hartseer om daar weg te ry.

Stil en rustig.

Baie lekker gebly. Diere loop lekker rond daar. Alles is in plek en skoon.

Fantasties!

Ek sal Doringpoort aanbeveel aan enige iemand wat Marloth en die Wildtuin besoek. Dankie aan Heystek en Amanda vir die gasvryheid.

Wat 'n fantastiese tyd!

Die eienaars was baie gaaf en het ons so vriendelik ontvang. Alles was goed versorg, netjies en naby aan waar ons wou wees.

Vir diere liefhebbers kan mens nie vra vir beter nie.

Besonderse verblyf met fantastiese interaksie met die diere. Baie vriendelike eienaars met uitsonderlike netjiese verblyf. Onvergeetlike vakansie by die beste akkommodasie in Marloth Park. Gaan beslis weer soontoe.

Eenvoudig net wonderlik, rustig en vreedsaam.

Baie vriendelik deur beide Amanda sowel as Heystek ontvang. Ook vinnig gehelp om van die swerm bye (Bats volgens hulle tuinhulp) ontslae te raak. Waardeer ook die feit dat Amanda aanbeveel het dat ons eerder in die groter selfsorghuis as in een van die kleiner wooneenhede intrek. Baie dankie ook vir die "Dronk Perskes" het ongelukkig die res in die yskas vergeet. Amanda, net n klein tikkie raad, dit sal goed wees dat jy miskien self die wooneenhede deurgaan en "inspeksie" doen nadat jou bediendes klaar skoongemaak het.

Baie lekke boservaring.

Baie lekker plekkie om te bly. Mooi groen tuin gehad teenoor ander plekke wat vaal is. Diere gereeld kom kuier.

Dit was puik, veilig, rustig, ongelooflik mooi en netjies.

Baie dankie Heystek en Amanda julle dit is regtig seker die mooiste plek in Marloth! Met die vriendelikste mense wat 'n mens so tuis laat voel. Sal definitief weer soontoe gaan, en enige iemand aanbeveel om daar te bespreek!

Ongelooflik lekker.

Eienaars baie vriendelik, verblyf uitstekend, alles is en was perfek.

Dit was die mees fantastiese vakansie wat ek nog beleef het.

Dit was 'n fantastiese rit.