Elite Retreats - Hillside Villa A

Selfsorg

Kapasiteit: 4 mense
Inkloktyd: 14:00 tot 18:00
Uitkloktyd: 10:00
Adres: Parklaan 25, Houtbaai, Kaapstad, 8005, Wes-Kaap
Alle ouderdomme is welkom
Vanaf R6 500 per nag (plek vir 4)

Beskrywing

Elite Retreats - Hillside Villa A is 'n bekoorlike selfsorg-villa wat op 'n veilige landgoed geleë is. Dit is hoog in 'n gesogte area van Victorskloof geleë en spog met 'n uitsig oor die hele Houtbaai-vallei en op die berge.

Hierdie pragtige villa het lugversorging, bied slaapplek aan 4 gaste en beskik oor 2 smaakvol gemeubileerde slaapkamers wat elk 'n koninggrootte-bed het. Die kamers lei na 'n terras wat met 'n lieflike uitsig spog. Die hoofslaapkamer se badkamer het 'n bad, stort, wasbak en 'n toilet. Die tweede kamer se badkamer het 'n stort, wasbak en 'n toilet. Linne en handdoeke word voorsien.

Die ruim oopplan-kombuis is met 'n yskas-vrieskas, stoof, oond, mikrogolfoond, eetgerei, breekware, koffie- en teemaakgeriewe, skottelgoedwasser en 'n toonbank toegerus. Die kombuis lei na 'n eetarea wat verder na 'n sitarea lei. Die sitarea het gemaklike rusbanke en 'n TV. Gratis WiFi is beskikbaar.

Die eet- en sitarea se deure lei na 'n uitgestrekte terras met 'n privaat swembad en 'n asemrowende uitsig op die berge en oor die vallei. Veilige parkeerplek met 24 uur-sekuriteit is op die perseel beskikbaar. Gaste het toegang tot 'n gemeenskaplike swembad.

Die verblyf het kragopwekkers en word nie deur beurtkrag geraak nie.

Kry ’n Kwotasie