by Fernhill Tented Treehouses | LekkeSlaap

+85

Fernhill Tented Treehouses

9 resensies

Tentekamp

Op die Nippertjie-aanbod 20% af

Kry 20% af op alle besprekings wat 3 dae of minder voor jou verblyf gemaak word. Hierdie aanbod is altyd geldig.

Kapasiteit: 10 persone
Inkloktyd: 14:00 tot 19:00
Uitkloktyd: 10:00
Adres: Fernhill Gasteplaas, Rheenendal, Knysna, 6560, Wes-Kaap
Alle ouderdomme is welkom
Vanaf ~~R1 200~~ R960 per nag (vir 2 persone)

Beskrywing

Fernhill Tented Treehouses bied gerieflike glanskamptente op die Fernhill Gasteplaas op die plaaspad na Fernhill net buite Knysna in die pragtige Rheenendal-area afdraai. Hierdie area is bekend vir sy toweragtige, oeroue woude, fietsroetes, voetslaanroetes en oulike eetplekke soos Famous Tottie's Farm Kitchen, waar elke maaltyd spesiaal is. Fernhill is net 15 minute se ry van Knysna en die pragtige Buffalo Bay-strand af en is ook net 20 minute van Sedgefield met sy geliefde Saturday Wild Oats Market af, so gaste sal absoluut bederf wees deur al die interessante doendinge in die area.

Verblyf is beskikbaar in 6 glanskamptente. Elke tent het sy eie houtdek met 'n uitsig deur die takke oor die woud op die plaas. Die tente het slaapplek vir 2 tot 4 gaste en het elkeen 'n koninggrootte-bed en antieke meubels. Die Gesinstente het ook 'n slaapbank of 'n stapelbed. Linne en handdoekw word voorsien. Die en suite-badkamers het houtpaneelwerk en 'n spa-bad met 'n uitsig oor die woud deur glasvensters en 'n oorhoofse stort. Elektriese komberse, waaiers en verwarmers word voorsien. Elke tent het 'n yskas, tee- en koffiemaakgeriewe, 'n kombuisie en 'n buitebraai-area.

Diegene wat van stap hou sal die oorvloed pragtige roetes op hierdie 56 ha-plaas geniet. Die area is baie gewild onder bergfietsryers, so bring jou fiets saam om die Sewepassepad tussen Knysna en George aan te pak. Fernhill is in 'n bewarea, so buiten die plaasdiere is daar heelwat vrylopende wild soos bosbokke, bosvarke, luiperds, apies, bobbejane, ystervarke en verskeie voëls. Moenie jou verkyker vergeet nie en kom geniet hierdie plattelandse paradys saam met ons.

Kry ’n Kwotasie