Gaste Plaashuis Oudevlei

Selfsorg

Kapasiteit: 8 mense
Inkloktyd: 13:00 tot 19:00
Uitkloktyd: 10:00
Adres: Oudevlei Plaas, Langs die R501, Potchefstroom, 2531, Noordwes
Alle ouderdomme is welkom
Vanaf R650 per nag (plek vir 2)

Beskrywing

Gaste Plaashuis Oudevlei is op ’n plaas 12 km vanaf Potchefstroom geleë en bied 'n heerlike wegbreeknaweek in enige van ons gesogte 3 eenhede.

Afrika is 'n individuele oopplan-eenheid met sy eie ingang. Daar is 2 slaapkamers, een kamer met 2 enkelbeddens en 'n tweede kamer met 'n dubbelbed. Die eenheid het 'n badkamer met 'n bad, stort en toilet. Die leefarea is baie ruim, met 'n groot sitarea, kombuis en eetarea. Die eenheid het ook 'n privaat stoep en vuurput.

Juk is 'n oopplan-eenheid met sy eie ingang en stoep. Die slaapkamer het 'n dubbelbed en sofabed. Die eenheid beskik oor sy eie kombuisie met al die nodige geriewe soos 'n mikrogolf, oond en yskas. Dit het sy eie sithoekie en 'n ruim badkamer met 'n stort, wasbak en toilet. Daar is 'n privaat braai.

Sag is 'n oopplan-eenheid met 'n dubbelbed. Daar is 'n kombuisie, 'n klein sitarea met 'n eethoekie en 'n en suite-badkamer met 'n stort, toilet en 'n bad. Die eenheid het sy eie stoep en braai-area.

Gaste kan ontspan op die plaas deur onder in die vlei te braai of hulle kan lekker afkoel in die swembad. Troeteldiere word ongelukkig nie toegelaat nie. Neem asb. kennis dat daar 'n grondpad is wat na die verblyf lei. Dit is 'n breë grondpad in goeie toestand en is so 2,5 km vanaf die teerpad tot by die plaas.

Gaste kan hul eie fietse saambring en die roetes op die plaas verken.

Besoek Provance-padstal vir 'n lekker ontbyt, dit is 2,5 km van die verblyf af. Tanglewood is ongeveer 10 km van Gaste Plaashuis af, waar gaste kan gaan visvang. Hartspad se wandelpaadjies en staproetes, gaste nie teleurstel nie. Daar kan gaste ook iets eet. Dit is 8 km van die verblyf af. Verder het die plaas buitebraai-areas waar gaste kan kuier om 'n groot vuur met die mooiste sonsondergange.

Kry ’n Kwotasie