Greeff Cottage

Ongelooflik, ongelooflik en ongelooflik lekker.

Ons het so lekker gebly, die plaas is pragtig en daar is so baie spasie vir die kinders, die speel kamer is 'n wenner. Die mense is wonderlik, ons sal beslis weer van die verblyf gebruik maak.

Waarde vir geld, van aankoms tot vertrek.

Vriendelike ontvangs en 'n lieflike plaasatmosfeer. Ons het heerlik gekuier op die gras en baie goed geslaap.

It was so amazing and awesome.

Elzette and Morne you were so awesome, and welcoming. You received us as we were family. I hope others can be so accommodating like you did. I will recommend your place to my family and friends anytime. It was a home away from home for us. The kids enjoyed it and asked us to come to to your house. LEKKESLAAP you can feel very proud of these individuals, their making your name proud. Thank you Elzette and Morne. Galant family. Sea Point Cape Town.

Was heerlik. Kon heeltemal ontspan. Groot eenheid met baie spasie vir almal.

Rustig en stil. Jou vakansie begin hier. Kan hulle 100% aanbeveel. Sal vir seker teruggaan.

Huge, well equipped for kids.

We were 2 couples but this is an ideal spot if you have kids, there is a huge play room, so even its its raining its fine and its well equipped with toys kiddies videos etc.

Absoluut fantasties. Daar is nie genoeg woorde om die asemrowende ervaring te beskryf nie.

Plaaslewe bly die beste.

Netjies en baie rustig.

Ideale plek vir 'n kort wegbreek om heerlik te rus en Oudtshoorn te verken.

Fantasties.

Baie lekker gekuier, puik gasvrou en heer.

Baie lekker gebly. Gasvrou baie vriendelik. Kan plek vir seker aanbeveel.

Het baie lekker gebly en sal weer gebruik maak van die plek.

Rustige. vriendelike plaasatmosfeer!

Uiters netjies met als wat nodig is en meer! Vol DStv, dakwaaiers en goeie air-con is 'n absolute bonus! Kon heerlik braai tydens loadshedding met hul Karooleeus se brom in die agtergrond!

Puik, vriendelik, gemaklik, waarde vir geld.

Die gasvryheid van ons gashere was absoluut fantasties, ek sal hul heelhartig aanbeveel, die vriendelikheid, rondwys op die plaas en die oulike verblyf was puik soos reeds genoem, hoogs aanbeveelbaar.

As ek 6 uit 5 sterre kon gee, sou ek!

Absoluut fantasties. 'n Moet vir enigeen wat in Oudtshoorn wil oorbly.

Ons verblyf by Greeff Cottage was heerlik - baie dankie vir julle moeite om ons welkom te laat voel.

Die verblyf is baie skoon en netjies. Die eenheid is goed toegerus. Die gasfamilie is baie gaaf en doen moeite. Ons het dit baie geniet - baie dankie.

Enjoyable, relaxing.

We had my granddaughter (age 3) who so enjoyed the animals on the farm. The cottage we had, had a playroom which she also enjoyed. Not to far from town and other places to go sight seeing.

Verbasend om alles te kry wat op die webwerf gewys word.

Gasvrou en eggenoot opregte mense. Maak die tyd daar by hulle te kort. Sal weer moet gaan kuier. Hul kinders vriendelik so ook die personeel. Alles werk perfek. Verblyf ruim met groot erf. Veilige parkering. Middedorp met alles so 10 km ver van die plaas. Laaste so 1,2 km goeie grondpad die res teer. Ten spyte van erge droogte hul nog steeds 'n sin van humor. Volstruise ouers en kinders en skape ook goeie vermaak.

Fantasies en wonderlik.

Absolute wonderlike plek. 'n Moet vir elke reisiger.

Great stay.

We enjoyed our stay. Friendly people.

Goeie ligging en lekker ruim, gemaklike verblyf!

Wanneer ons weer Oudtshoorn toe gaan sal ons beslis weer hier boek. Dis ver genoeg van die dorp se gewoel, maar ook naby genoeg aan al die attraksies. Die cottage was lekker ruim (dis regtig baie groter as wat ons verwag het!). Daar was selfs 'n groot speelkamer wat ure se genot aan die kinders verskaf het met baie speelgoed. Ons kon gerus voel omdat die cottage so kindervriendelik is. Ons het als gehad wat ons nodig gekry het, en die binnebraai het baie gehelp. Dit was heerlik om die volstruise dop te hou vanaf die voorstoep! Die kinders het die verskillende plaasdiere ook baie geniet. Elzette en Morné het uit hul pad gegaan om vir ons dit gemaklik te maak, en ons het vry gevoel om te gaan aanklop by hulle indien ons iets sou benodig. Morné het selfs vir ons kom verduidelik hoe om 'n volstruis-steak te braai. Ons sal vir seker teruggaan!

Uitstekende ligging buite die dorp op die plaas wat jou rustigheid bied met vriendelike mense wat jou welkom laat voel.

Baie vriendelike mense in 'n baie mooi omgewing. Dit is naby die dorp geleë wat dit baie maklik maak om al die toerisme-aantreklikhede te besoek. Mens kry die plaasgevoel wat rustigheid bied en kry mens ook kans om daar te stap en al die diere te sien. Ons dogter het so lekker gespeel en rondgery met haar fiets.

Fantasties.

Greeff Cottage is fantasties. Ons beveel dit ten sterkste aan of jy net een nag bly of meer as een nag. Wonderlike geriewe. Aardsmense.

Baie aangenaam, Elma as gasvrou uitstekend.

Was baie lekker om by Greeff Cottage te bly. Wonderlike gasvrou, het ook baie lekker met haar man gesels. Was bereid om speelgoed in die ander huisie met ons te deel, wat awesome was. My 2 seuntjies het dit vreeslik geniet om tussen die kampe te stap van die volstruise, skape, boerbokke en beeste. Sal beslis aanbeveel, hoop julle kry gou reën.

Fantasties!

Die heerlikste oorslaap in jare! Baie dankie Morne en Elzette ons sal die kuier altyd onthou, en weer daar kom slaap as ons daardie rigting gaan!

Baie lekker op die plaas.

Was baie lekker op die plaas. Baie naais mense en baie gasvry. Lekker binnebraai vir die koue aande. Naby die dorp en ook lekker buite die dorp. Alles wat jy nodig het.

Wonderlik!

Kyk, Oudtshoorn is koud, maar die warm verwelkoming en natuurlik kaggel binne in die huis was 'n fees. Ons kon oral rondloop; het pure plaas ervaar en kon heerlik rus. Ons gasheer en gasvrou, Morne en Elzette, voel na die paar dae soos familie. Ons dogter kon heerlik speel en het die plaas omtrent rondgetoer. Voorwaar 'n fees en ons het heerlik gebly en gekuier - veral op daardie plaasstoep. Ons beveel dit beslis aan.

Baie lekker rustig.

Die verblyf was baie mooi en netjies. Alles wat jy nodig het was daar. Dankie vir die lekker hout vir vuurmaak en braai. Die huisie was baie mooi skoon en netjies en alles wat jy nodig het was daar, soos warm komberse en handdoeke.

Net wat ons wou gehad het.

Dit was skoon, modern en net uit die dorp op 'n rustige plaas. Ons het alles gehad wat nodig was en sal beslis Greeff Cottage aanbeveel. Dankie vir 'n heerlike tyd!

Ongelooflike ervaring.

Morné en Elzette is ongelooflike mense. Die ligging is perfek, die akkommodasie ongelooflik lekker en netjies. Alles wat 'n mens benodig en meer. Ongelooflike ervaring en reeds weer bespreek vir volgende fees. Dankie julle twee, dit was fantasties.

Netjiese ruim kothuis op die plaas.

Dis 'n netjiese, ruim kothuis op die plaas. Baie rustig. Dankie vir julle gasvryheid.

Baie ruim en gerieflik.

Daar's 'n plaas in Oudtshoorn waar ons saam met die volstuise gebly het. Ons was daar vir 'n dag of sewe en het die stukkie paradys geniet.

As ek Oudshoorn besoek sal ek geen ander plek wou bly nie.

Baie dankie vir julle vriendelikheid en gasvryheid. Julle plek is pragtig en meer as wat ek verwag het. Ek bid julle alle seën en sukses met julle plekkie toe.

Fantastic.

Great place to stay. Fantastic people.

Gasvryheid uit die boonste rakke.

My ouers Christo en Andeline Groenewald het daar oornag en hulle kan nie uitgepraat raak oor die plekkie nie! Kan dit beslis aanbeveel!

Hartlike mense, pragtige, skoon en netjiese verblyf, eenhonderdpersent aanbeveelbaar!

Pragtige mense, ons het heerlik gebly.

Lekker gebly!

Aangename mense. Skoon, netjiese akkommodasie, vriendelike ontvangs. Sal hulle aanbeveel.

Cottage completely suited our needs - right side of town to get to start of Attakwas MTB and had everything we needed.

Our hosts were so friendly and although it was only for one night, they went out of their way to make sure that we had everything that we needed.

Wonderlike gasvrou!

Ons het ons verblyf behoorlik geniet! Ons gasvrou was lieflik en die plaas lekker en rustig.

Baie aangenaam en akkommodasie skoon netjies en mooi ingerig en eienaars baie vriendelik en gasvry.

Ons verblyf was wonderlik. Eienaars is baie vriendelik en hulpvaardig en het ons werklik spesiaal laat voel. Ons sal graag in die nabye toekoms wil teruggaan vir 'n langer tydperk.

'n Wonderlike, rustige plaaservaring, vriendelike en gasvrye eienaars.

Ek beveel hierdie verblyf aan vir enigeen! Skoon, ruim, gemaklik, vriendelik, interessant met volstruise om jou. Ons kinders praat die heeltyd van die plaasverblyf en ons wil net nog en nog gaan kuier! Baie dankie!

Baie basies, maar netjies en skoon.

Sal dit aanbeveel. Baie vriendelike gasheer en gasvrou.

Asemrowend.

Ek is verlief op hierdie plek vandat ons daar gestop het. Fantasties alles wat mens kan aan dink is reg gesit vir jou. Morne en Elzette julle is die pragtigste mensies.

Awesome place to stay. I'll definitely stay there again.

Very friendly people thinking of all the small things.

Uitstekend!

Pragtige plek met pragtige mense. Die eenheid is baie netjies, skoon, ruim en goed toegerus. Ons het dadelik tuis en welkom gevoel. Die eienaars het baie moeite gedoen om te verseker dat ons gemaklik is. Hulle het bv. ekstra komberse aangedra toe dit begin reën, net ingeval ons sou koud kry. Ons waardeer die moeite baie en sal beslis weer daar oornag.

Visit a real ostrich farm.

We had the sweetest hosts that made us feel at home. Highly recommend!

Dit was baie lekker!

Die Greeff Cottage was vir ons baie lekker, juis omdat ons ook plaasmense is. As gaste was dit vir ons baie lekker. Nie te ver uit die dorp nie en lekker platteland! Ons het dit terdeë geniet.

Wonderful stay and will be back.

Wonderful stay with lovely family. The cottage was great with everything one would ever need.

Verfrissend en rustig.

Ons het ons verblyf baie geniet. Die rustige atmosfeer en vars plaaslug was net wat ons nodig gehad het. Sal definitief weer bespreek. Dalk tydens die KKNK.

Gerieflik, veilig en waarde vir geld.

Ons was so verbaas toe ons by die Greeff's opdaag oor die ongelooflike plekkie wat hulle op die plaas het. Ons verblyf was so lekker en alles is baie netjies ingerig. Hulle behulpsaamheid sommer met al ons navrae het die lewe baie maklik gemaak en die rustigheid op die plaas is aan te beveel. Daar is ook veilig parkering. Ons kleinding het baie lekker op die plaas gespeel en veral ook in die speelkamer wat vir ons 'n groot pluspunt van die verblyf was.

Baie gesellige atmosfeer en woning.

Greeff Cottage is baie goed tegerus met binne- en buitebraai.

Rustig en aangenaam.

Eienaars baie toeganklik, vriendelik en bedagsaam. Sal definitief weer daar bly.

Die gasvryheid en behulpsaamheid is tops!

Wonderlike verblyf! Alles wat jy nodig het. Dis lekker ruim en baie netjies! Die eienaars is baie vriendelik en behulpsaam!

Wonderlike gasvrye en vriendelike mense en lekker rustige plaasverblyf.

Netjiese, skoon verblyf! Mornè en Elzette se gasvryheid het ons laat voel soos ou bekende vriende en groot bederf met 'n vars tuisgebakte brood en lekker Karoo lamstjoppies tydens ons verblyf. Sal beslis weer daar gaan bly as ons weer in die omgewing kom.

Goed geleë en ongelooflike gasvrye gasheer en gasvrou.

Pragtige terrein met netjiese fasiliteite vir besoekers. Goed geleë en rustig verblyf. Aan te beveel vir gesinne.

Ongeloof rustig, netjies en vriendelike gasheer en gasvrou.

'n Wonderlike verblyf wat ruim, netjies, skoon en goed toegerus is. Die rustige atmosfeer, vriendelike en hartlike ontvangs het bygedra dat ons kuier 'n onvergeetlike ondervinding was.

Heerlikke rustige plaaslewe.

Die rustige plaasomgewing is 'n bonus. Die gasvryheid en aangename persoonlikhede van die egpaar is iets besonders.

Skoon, netjiese, vriendelike diens

Baie oulik. Skoon, netjies en vriendelike diens.

Heerlike rustige atmosfeer met alles wat jy nodig het.

Vriendelike mense, rustige plaasatmosfeer, alles wat jy nodig het byderhand. Ons sal definitief weer daar tuisgaan as ons in daardie omgewing is.

Rustig, netjies en veilig.

Weg van die dorp se geraas maar ook naby genoeg as jy iets van die winkel af benodig.

Baie lekker gebly!

Baie oulike, ruim en skoon plekkie met alles wat mens nodig het. Elzette en Morne is pragtige mense wat mens baie tuis laat voel. Ons het baie daarvan gehou om aan die klein volstruisies te kon vat. 'n Lekker vars gebakte broodjie het ons dag gemaak. Ons sal dit vir almal aanbeveel wat lekker wil rus en Oudtshoorn en die omgewing wil geniet.

Dit was baie aangenaam en die eienaars het in die oomblik van ons aankoms ons vriende geword.

Na 'n lang en vol dag was hierdie plek net die regte plek om te ontspan. Die plaasatmosfeer was net wat ons nodig gehad het en die ontvangs vriendelik en persoonlik. Die eienaars was uiters behulpsaam en ons het gou tuis gevoel. Dit was jammer dat ons nie langer kon bly nie. Ons kan die verblyfplek aanbeveel en sal belis weer daar wil bly as ons weer daar op reis is. Baie dankie en voorspoed met die boerdery en die gastehuis.

My son asked me after our first night: "Is this our new house?". I said no and he was very disappointed. He asked if we can come and visit again.

The cottage was clean and neat with everything that you need for a comfortable stay.

Uitstekend!

Ons verblyf was heerlik!

'n Rustige atmosfeer.

‘n Mens voel dadelik tuis as jy van ‘n plaasomgewing hou, en tog is Greeff Cottage naby genoeg aan die dorp om gou daarheen te ry as jy iets sou nodig kry. Die huis is goed toegerus, met ‘n binne- en buite braaiplek. Baie dankie vir die lekker doringhout (wat voorsien word) vir jou braai, en ons was gelukkig genoeg om ‘n oondwarm plaasbrood op die koop toe te kry! Daar is ‘n ruim motorafdak net buite die agterdeur. Daar was ook pas uitgebroeide volstruisies wat Morné vir ons gaan wys het – te pragtig! Morné en Elzette is wonderlike gashere en ons kon lekker gesels. Ons beveel Greeff Cottage vir enigeen aan, veral as jy ‘n rustige atmosfeer en stilte waardeer. Ons kom hopelik gou weer!

Puik perseel en atmosfeer.

Greeff Cottages is binne minute van Oudtshoorn, tog buite die dorp om 'n ware plaaservaring te bied. Die huis is ten volle toegerus, en bied 'n puik wegbreekgeleentheid. Die onderdakparkering is hoog genoeg vir fietse bo-op 'n voertuig se dak. En die perseel is heeltemaal omhein en veilig. Dit is die tipe plek waar jy gerus 'n paar dae kan kuier. Baie dankie vir 'n puik naweek.

Rustige plaasatmosfeer met al die geriewe.

Dankie vir die hartlike verwelkoming. Die huis is baie goed toegerus en is beslis "home away from home".

Dit was fantasies.

By Greeff Cottage het ons dit baie geniet. Die Greeff familie was baie vriendelik. Ons het dadelik tuis gevoel. Ek beveel die Greeff Cottage ten sterkste aan.

Gerieflik, skoon, vriendelike eienaars, lekker gerus, sal weer kom.

Morne en Elzette voel soos ou verlore vriende wat ons weer opgespoor het, sowat van behulpsaamheid en vriendelikheid soek 'n mens ver. Plek is die bekostigbaarste met al die geriewe wat jy nodig het en nog meer. 'n Speelkamer vir kleinkind as ons Desember weer kom, volledige DStv vir kleinkind se mamma en haar ouma om niks te mis terwyl ons nie tuis is. Die plek is skoon wat mens ook nie oral kry, netjiese beddegoed, daar is niks slegs te sê oor hierdie plek nie. Aan te beveel vir enige een wat vriendelike, skoon, netjies en veilige verblyf soek wat nie te ver van die dorp en sy gewoel is. Dankie, Morne en Elzette.

Familieverblyf aan te beveel.

Heerlik gekuier. Morne en Elzette was baie vriendelik en het mens welkom laat voel.

Hidden gem!

Wow! I'm too scared to tell people how great Greeff Cottage is, because what if there's no availability when we want to stay there next time. From the moment we booked until we drove away very slowly it was fantastic! Greeff Cottage has everything you need and more. The place is actually a big place, too big for 2 people. My heart was sore when we started to pack up and head home. From the very beginning we wat home on the farm and in the house. Thanks, Elzette and Morne, for your hospitality and for the great visit to your farm. We look forward to the next time we explore your beautiful town.

Rustig, gemaklik, spasie, gasheer en -vrou wat omgee.

Ou ruim huis, voldoende toegerus, baie goeie waarde. Vir verblyf tydens KKNK net buite die gewoel - rustige, veilige plaasgevoel, maar naby genoeg om heen-en-weer te ry. Vriendelike gasheer en -vrou wat oor hul gaste besorg is.

Egte Karoo-gasvryheid.

Dit was 'n heerlike verposing met skoon geriewe en aangename geselskap. Kan dit ter enige tyd aanbeveel.

Lekker rustig, perfekte plek om te oornag of 'n naweek as mens Oudshoorn wil verken.

Sien sterre.

Rustige atmosfeer. Goeie ontvangs. Plek mooi skoon en alles is daar wat nodig is vir mens se verblyf.

Het baie welkom gevoel by die gesin op die plaas.

Heerlik met die vriendelikste, hulpvaardigste mense.

Goed ontvang. Alle geriewe. Braaivleisvuur klaar gepak. Baie aangename gasheer en gasvrou. Sal weer daar gaan kuier.

Elzette/Morne is oorlaai met vriendelikheid.

Elzette en Morne loop net oor van vriendelikheid en hulle het ons so tuis laat voel dat ons nie verder wou reis nie. Elzette het ons ook op kort kennisgewing met 'n ekstra aand se verblyf gehelp. Ek sal Greeff Cottage vir enige iemand voorstel.

Perfek!

Dankie vir 'n wonderlike tyd op jul plaas - ons sal vir seker weer daar draai as ons in Oudtshoorn is. Volgende keer bly ons 'n dag oor. Morne en Elzette is die perfekte gashere - selfs solank vuur gemaak dat die kole reg was toe ons arriveer. Sterkte en seën op jul boerdery en bedrywighede!

Very pleasant with fantastic hosts.

Hosts were most hospitable and accommodating. Well worth the stop-over.

'n Heerlike rusplek vanwaar jy die omgewing kan verken.

Elzette en Morné het ons so vriendelik ontvang. Die kothuis was gereed en mooi ingerig, lieflik ruim, koel met die braaihout wat op die braaier wag. Uitstekende waarde vir geld. Ons seun het heerlik saam met hulle kinders geswem en maats gemaak. Baie dankie! Ons sal julle oral aanbeveel.

Familievriendelik, skoon en vriendelike gasheer.

Ons het met 2 klein kinders Greeff Cottages besoek en was baie tevrede met die verblyf en sal dit definitief aanbeveel. Die huis voldoen aan al die vereistes om vir klein kinders te sorg. Die huis is ruim en baie skoon. Die kinders kon buite speel en het dit baie geniet. Morne and Elzette en kinders het ons met oop arms ontvang en seker gemaak ons geniet die tyd. Hopelik sal ons weer eendag kan kom kuier.

Baie vriendelike, netjiese eenheid met als wat jy nodig het. Gasvrye ontvangs.

Ek sal Greeff Cottage enige tyd aanbeveel. Ons verblyf was so lekker. Ek sal maklik daar kan gaan bly vir lang tyd. Die eenheid was baie netjies en als wat mens nodig het. Dis die moeite werd om daar te gaan oorbly. Die rustigheid van die plaas laat die stadsgewoel sommer wegsmelt.

Baie rustige atmosfeer.

Greef Cottage is 'n definitiewe moet as jy graag betrokke kliëntediens wil hê en rustig wil ontspan terwyl jy weet die kinders is veilig buite sonder om elke 5 minute hulle te soek. Baie dankie.

Elzette en Morné verseker 'n perfekte Oudtshoorn ervaring!

Tuis by die huis, rustig geleë met slegs die geroep van die mannetjie-volstruis om 'n perfekte Oudtshoorn-ondervinding op te som. Ons sal weer gaan en nog mense saamneem!

Vriendelike, netjiese gasvryheid.

Morne en Elzette het uit hulle pad gegaan om ons welkom te laat voel. Ons dogter wou amper nie huis toe gaan nie, ons het so lekker gebly en gekuier. Die akkommodasie is netjies en pragtig en baie goed ingerig - alles was uit die boonste rakke! Sal dit enige tyd aanbeveel en ons sal baie graag weer gaan kuier.

Wonderlike ervaring.

Dankie Morne, Elzette, Ben, Simon en Rebekka. Die paar dae op julle plaas was wonderlik. My seun wil net met alle mag en krag terug. Greeff Cottage is nagenoeg 10 min vanaf die kern van Oudtshoorn. Die voordeel is dat jy ten volle uit die geraas en gejaag van die dorp is maar ook naby genoeg is sou jy verkies om die dorp te besoek. Verder is die huis gemaklik ingerig met die wonderlikste binnebraai vir daai wintersaande in die Karoo. O ja, en daar is genoeg hout om die braai te maak werk. Morne, Elzette en die kinders laat 'n mens onmiddelik welkom voel en het ons werklik nooit soos vreemde gaste op die plaas gevoel nie maar eerder soos vriende wat vir n naweek kom kuier het. Ons sal definitief weer vir julle kom besoek.

Great stay.

Very friendly and homely.

Ons kon nie vir beter vra nie.

Ons het heerlik by Morné, Elzette en hulle gesin op hulle plaas tuisgegaan. Die verblyf was skoon, netjies, ruim, goed ingerig en die beddegoed was heerlik kraakvars. Die kinders het hulleself gate uit geniet, met 'n groot speelkamer, die maatjies en die baie spasie wat die plaas bied. Ons gasfamilie het geen moeite of hulp ontsien om ons verblyf aangenaam te maak nie. Van voorstelle vir besienswaardighede en plekke om te besoek, tot hulp met 'n slaghuis en dokter. Ons het as vreemdelinge opgedaag en is as vriende daar weg. Greeff Cottage is definitief op die lys van ons verblyf vir ons volgende besoek na SA.

'n Baie rustige en veilige omgewing vir die hele gesin!

Baie dankie aan Morné en Elzette vir julle gasvryheid. Ons en ons seuntjies het die kuier op die plaas baie geniet. Dankie dat julle uit julle pad gegaan het om ons te akkommodeer! Indien jy klein kindertjies het (wat graag wil speel en ruimte geniet) is hierdie beslis die plek vir jou/julle!

Excellent value for money, neat, tidy and comfortable.

Very clean, friendly and helpful. Everything you might need and more is available.

Sal enige tyd weer daar tuisgaan.

Ons het 'n besonders vriendelike ontvangs gehad en baie lekker gebly. Greeff Cottage was 'n baie goeie keuse gewees.

Perfek vir klein kinders.

Groot speelkamer vir klein kinders. Die gasheer is uitstekend en doen baie ekstra moeite met sy gaste. Word sterk aanbeveel.

Baie gasvrye eienaars.

Alhoewel dit selfsorg is, was daar hout reeds op die braai gepak, net reg om aan te steek. Dit het ons tuis laat voel en dat ons verwag was. Hul kan wel lekker vars melk in die yskas laat en suiker vir koffie. Daar was wel pakkies koffie. Dit sal slegs bydra tot die welkom gevoel wat ons ervaar het. Die Cottage is baie groot en ruim en skoon. Dit is ideaal vir 'n gesin met klein kinders.

Baie goed.

Sien die sterre.

Dit was heerlik, rustig en pragtig!

Ons sal verseker weer daar tuisgaan. Die plaas-atmosfeer met die rustigheid was heerlik. Dit is nie ver van die dorp af nie. Die Greeffs het uit hul pad gegaan om ons te akkomodeer en ons verblyf onvergeetlik te maak. Dankie vir 'n heerlike kuier!

Vreedsaam.

Naby genoeg aan alles, ver genoeg van geraas.