Hart & Siel

Selfsorg

Kapasiteit: 10 persone
Inkloktyd: 14:00 tot 19:00
Uitkloktyd: 10:00
Adres: Langs die R53, Hartebeestpoortje-plaas, Potchefstroom, 2531, Noordwes
Alle ouderdomme is welkom
Vanaf R700 per nag (plek vir 2)

Beskrywing

Hart & Siel is op 'n plaas in die bosveld en bied gerieflike gemeubileerde verblyf tussen Parys en Potchefstroom.

Verblyf is beskikbaar in 4 eenhede, naamlik Geloof, Hoop, Liefde en Vrede. Die eenhede het lugversorging, dubbelbeddens of koningingrootte-beddens en 'n badkamer met 'n stort of 'n bad.

Elk van die eenhede Geloof, Hoop en Liefde het 'n volledige toegeruste kombuis met 'n mikrogolfoond, Snappy Chef-kookgeriewe, 'n yskas-vrieskas en tee- en koffiemaakgeriewe.

Die Vrede gesinseenheid beskik ook oor 'n toegeruste kombuis met 'n mikrogolfoond, gasstofie met 'n oondjie, groot yskas-vrieskas, en tee-en koffiemaakgeriewe. Wi-Fi is beskikbaar. ( Die eenheid is gelykstaande aan n klein meenthuis)

Elke eenheid het privaat braaigeriewe en onderdakparkeerplek agter 'n afstandbeheerhek.

Die 4 eenhede is ideaal vir n familie wat van verskeie dorp afkomstig is, en saam wil kuier, braai en tyd spandeer. Die groot tuin, is dan ook ideaal vir kinders om op te baljaar, sonder om te voel jy beweeg in die eienaars se spasie, aangesien dit ook geskei word van die eienaar se woning.

Verskeie aktiwiteite word in Parys aangebied, soos 4x4-roetes, voëlkyk, kunsvlieghengel, riviervlotvaart, kajakvaart, abseil, bergfietsry, vierwielmotorfietsry, verfbal, warmlugballonvlugte asook boogskiet.

Kry ’n Kwotasie