+12

Hart-se-Punt

1 resensie

Selfsorg

Kapasiteit: 4 persone
Inkloktyd: 14:00 tot 19:00
Uitkloktyd: 10:00
Adres: Mosselbankstraat 11, Paternoster, 7381, Wes-Kaap
Alle ouderdomme is welkom
Vanaf R1 280 per nag (plek vir 4)

Beskrywing

Hart-se-Punt is ’n ruim, luukse en goed toegeruste selfsorgeenheid 100 m vanaf Paternoster se pragtige strand. Hierdie eenheid is semi-verbind aan die eienaar se huis, maar funksioneer heeltemal onafhanklik en privaat.

Die eenheid bied verblyf aan 4 gaste en beskik oor 2 slaapkamers en 1 vol gesinsbadkamer. Die hoofslaapkamer het ’n dubbelbed en die tweede slaapkamer het 2 enkelbeddens.

Die kombuis is ten volle toegerus met ’n stoof, oond, mikrogolfoond, yskas-vrieskas, eetgerei, breekware en tee- en koffiemaakgeriewe. Die kombuis lei na ’n knus sitarea met gerieflike sitplekke, ’n kaggel en ’n TV met DStv. Gratis WiFi is beskikbaar.

Die eenheid het ’n ingangshek en daar is veilige skaduparkeerplek vir 1 voertuig op die perseel. Daar is ’n onderdakstoep waar gaste kan braai en kuier. Die huis het Trellidor-diefwering, ’n alarmstelsel en sekuriteitspatrollie in die aand.

Kry ’n Kwotasie