Highlander Trout Lodge

Selfsorg

Kapasiteit: 14 mense
Inkloktyd: 14:00 tot 19:00
Uitkloktyd: 11:00
Adres: Deel 83, Hartebeeshoek, Skeerpoort, 0232, Noordwes
Alle ouderdomme is welkom
Vanaf R2 000 per nag, vir 2 mense

Beskrywing

Highlander Trout Lodge is 'n werkende plaas wat in die Hartebeeshoekvallei skuil. Ons bied luukse selfsorg-akkommodasie in3 individueel-versierde kothuise. Dit is die ideale plek vir die kunsvlieghengel-entoesias of vir diegene wat net op soek is na 'n rustige wegbreek. Dit is net 45 minute van Pretoria en Johannesburg af.

Verblyf is beskikbaar in 3 kothuise wat die Kingfisher, Trout House en Hartebeest House insluit. Elke eenheid het 'n sitarea met 'n TV met DStv, 'n kaggel, eetarea, 'n kombuis wat ten volle toegerus is en 'n privaat stoep met braaigeriewe. Die Kingfisher-kothuis is in 'n lowerryke tuin en bied 'n uitsig oor die foreldamme. Dit het slaapplek vir 6 gaste en beskik oor 3 en suite-slaapkamers. Die Trout House is ook in 'n lowerryke tuin en word deur 'n grasperk en bome omring. Dit het slaapplek vir 4 gaste en beskik oor 2 en suite-slaapkamers. Hartebeest House het 'n grasdak en 'n bosveldgevoel. Dit het slaapplek vir 4 gaste in 2 en suite-slaapkamers.

Alle linne en handdoeke word voorsien en die eenhede word daagliks skoongemaak.

Highlander Trout Lodge is bekend vir uitmuntende, maar meer uitdagende kunsvlieghengel. Ons het 8 areas stil water van verskillende groottes en ongeveer 1 km rivierfront. Al die damme is voorsien van reënboogforel. Geelvis kom ook natuurlik in die riviersisteem en damme voor. Gaan stap op die oewer van die ongerepte Skeerpoortrivier met sy glashelder water, of hou piekniek by een van die damme of die geriewe langs die rivier.

Dit is 'n fotografie-paradys. Hier is ook uitstekende voël- en wildkykgeleenthede.

Kry ’n Kwotasie