Home @ Utopia

Selfsorg

Kapasiteit: 2 mense
Inkloktyd: 14:00 tot 19:00
Uitkloktyd: 10:00
Adres: Kent-singel 12, Marina Beach, Southbroom, 4277, KwaZulu-Natal
Alle ouderdomme is welkom
Vanaf R700 per nag (plek vir 2)

Beskrywing

Home @ Utopia bied gerieflike oornagverblyf op die eienaar se perseel in Marina Beach, Southbroom. Die eenheid is naby 2 Blouvlagstrande, restaurante en winkels.

Hierdie eenslaapkamer-eenheid vorm deel van die hoofhuis en bied slaapplek aan 2 gaste. Die slaapkamer het 'n dubbelbed en daar is 'n stort in die en suite-badkamer. Die eenheid het 'n kombuisie met 'n yskas, stoof, mikrogolfoond en 'n broodrooster. Die leefarea het 'n etenstafel, 'n gemaklike sitkamerstel en 'n TV.

Verder het gaste toegang tot gratis WiFi, 'n gemeenskaplike swembad, vuurput en braaigeriewe. Parkeerplek is in 'n motorhuis op die perseel beskikbaar.

Hiér kan gaste die prag van die kuslyn bewonder, in die son baai of al langs die strand stap.

Kry ’n Kwotasie