Hout Bay Villa

Selfsorg

Kapasiteit: 8 mense
Inkloktyd: 14:00 tot 19:00
Uitkloktyd: 10:00
Adres: Hugolaan 2, Houtbaai, 7806, Wes-Kaap
Alle ouderdomme is welkom
Vanaf R4 705 per nag (plek vir 8)

Beskrywing

Hout Bay Villa is die toonbeeld van stylvolle, gesofistikeerde en ruim verblyf in die hartjie van Houtbaai. Dit is 'n uitstekende toevlugsoord vir vriende of 'n gesin aangesien die verblyf in die natuurlike prag van dié kusgebied versteek is.

Die villa bied slaapplek aan 8 gaste en beskik oor 4 slaapkamers met lugversorging en 4 en suite-badkamers. Die ruim hoofslaapkamer het 'n koninggrootte-bed en 'n volledige en suite-badkamer. Die ander slaapkamers het elk 'n koningingrootte-bed en daar is 2 volledige en suite-gesinsbadkamers en nog 'n en suite-badkamer met net 'n stort. Alle linne en badhanddoeke word voorsien, maar gaste moet hul eie swemhanddoeke saambring.

Die helder en lugtige leefarea het lugversorging en 'n stylvolle kombuis wat met 'n gasstoof, elektriese oond, mikrogolf, yskas-vrieskas, eetgerei en breekware toegerus is. Daar is ook 'n eiland met stoeltjies. 'n Skottelgoedwasser, wasmasjien en tuimeldroër is ook beskikbaar. Die kombuis lei na 'n etenstafel met genoeg sitplek sodat gaste maaltye saam kan nuttig. Die aangrensende, knus sitarea het gemaklike sitplek en 'n kaggel.

Die huis het ook 'n tweede sitarea met 'n TV en 'n kinderspeelkamer. Die kombuis en eetarea lei na 'n onderdakstoep met gemaklike buitemeubels en ingeboude braaigeriewe. Dit is die perfekte plek vir 'n skemerkelkie saans terwyl die braaivleisvuur brand. Die stoep het ook 'n buite-etenstafel en lei na 'n groot tuin met 'n plonspoel.

Kry ’n Kwotasie