Huis by die See

Selfsorg

Spesiale Aanbod 10% af

Kry 10% af (minimum twee nagte se verblyf). Geldig vir verblyf vanaf 26 Apr 2024 tot 5 Mei 2024.

Kapasiteit: 8 persone
Inkloktyd: 12:00 tot 16:00
Uitkloktyd: 10:00
Adres: 6 Magersfontein Pad, , Hartenbos, 6520, Wes-Kaap
Alle ouderdomme is welkom
Vanaf ~~R2 900~~ R2 610 per nag (plek vir 8)

Beskrywing

Huis by die See is in Hartenbos geleë en bied gehalte verblyf vir jou volgende gesinsvakansie. Hartenbos is 'n gewilde vakansiebestemming, veral vir gesinne, en bied 'n verskeidenheid besienswaardighede en meer as genoeg winkels en restaurante.

Die huis het 4 slaapkamers en 3 badkamers waarvan 2 en suite is. Drie van die slaapkamers beskik elk oor 'n dubbelbed en die ander kamer is ingerig met 2 enkelbeddens. Linne word voorsien, maar bring asb. ook jou eie bad- en swemhanddoeke saam.

Die kombuis is volledig toegerus vir selfsorg en beskik oor 'n yskas-vrieskas, aparte vrieskas, mikrogolfoond, skottelgoedwasser, oond en stoof. 'n Wasmasjien en tuimeldroër is ook beskikbaar vir gaste se gebruik. Die sitkamer het gemaklike rusbanke en 'n TV met DStv-toegang. Gaste moet asseblief hul eie dekodeerder en slimkaart saambring vir gebruik van die DStv.

'n Binnebraai-area asook buitebraaigeriewe op die balkon is beskikbaar. Die huis is na aan die strand, 'n binnenshuise verhitte swembad, plaaslike winkels en restaurante en 'n pretpark.

Hartenbos is bekend vir sy matige klimaat en is ideaal as 'n vakansiebestemming regdeur die jaar.

Kry ’n Kwotasie