Joubert 107

Selfsorg

Kapasiteit: 6 mense
Inkloktyd: 14:00 tot 19:00
Uitkloktyd: 10:00
Adres: Joubertstraat 107, Lochnerhof, 7140, Wes-Kaap
Alle ouderdomme is welkom
Vanaf R1 750 per nag (plek vir 6)

Beskrywing

Joubert 107 is 'n ruim vakansiehuis in die Strand en dit is ideaal vir 'n gesinsvakansie omdat dit slegs 450 m vanaf die strand is.

Die huis bied slaapplek aan 6 gaste en beskik oor 3 slaapkamers en 'n badkamer. Die hoofslaapkamer het 'n spieëltafel en 'n koningingrootte-bed en die ander 2 slaapkamers het elk 'n dubbelbed. Die badkamer het 'n bad, stort, wasbak en 'n toilet. Alle linne en badhanddoeke word voorsien, maar gaste moet asb. hul eie strandhanddoeke saambring.

Die leefarea het 'n kombuis wat met 'n gasstoof, elektriese oond, mikrogolfoond, yskas-vrieskas, skottelgoedwasser, eetgerei en breekware toegerus is. Daar is ook 'n toonbank met stoele. Die kombuis lei na die eetarea met 'n etenstafel vir 6 gaste en 'n sitarea met gemaklike rusbanke en 'n TV met Netflix. Gratis WiFi is ook beskikbaar.

Die voorkant van die huis het 'n mooi tuin en agter die huis is daar 'n buite-area onder 'n boom. Dit is die ideale plek vir gaste om saam te kuier en braai. Veilige parkeerplek is agter 'n geslote hek beskikbaar.

Die huis is naby aktiwiteite soos putt-putt, Waterworld en Strand Gholfbaan geleë. Daar is verskeie koffiewinkels en restaurante in die omgewing.

Kry ’n Kwotasie