Would highly recommend a stop-over at this Guest Farm to anyone. Perfect, the attention to detail was fantastic and the host was super friendly and accommodating to any of our needs.

Sal definitief weer kom. Het vir 2 aande oorgebly, huisie baie mooi en goed geleë glad nie ver van die dorp af nie. Weer was baie winderig en koud, maar die Dover stoof het opgemaak daar voor. Goeie waarde vir geld.

Beslis 'n plek om oor te bly in daardie omgewing! Dit was 'n baie lekker oorslaap op die pragtige plaas. Weg van alles en tog veilig. Die koolstoof was 'n wenner en het die hele huisie gou warm gemaak. Ongelukkig was ons haastig en het nie tyd op die plaas spandeer nie. Daar was volop eetgerei en potte, panne en braai-gereedskap. Altesaam 'n wonderlike plaaservaring en ons was nie teleurgesteld nie.

Baie aangename oorbly in baie mooi stil wêreld. Die oorbly was baie lekker. Jy het alles wat jy sou kon benodig. Ons was net een aand daar, maar dink jy sal lekker gemaklik daar kan bly vir 'n langer tyd. Die plek is uiters netjies en skoon. Ons het nie die WiFi gebruik nie, maar die televisie in die huisie maak wel daarvan gebruik en ons kon lekker sien hoe die bokke speel. Net jammer hulle het toe verloor. Die beeld/sein was baie goed. Die kole stofie was 'n wenner en het die plekkie lekker warm gehou en sal beslis in die winter 'n groot wenner wees. Ek sou net dalk 'n vouskerm by die badkamertjie deel plaas dat die toilet nie direk vanaf die oop kamerdeur sigbaar is nie. Die water in die stort was lekker warm. Die eienaars was uiters vriendelik en het ons met 'n pap motorwiel gehelp en dit gratis vir ons herstel dat ons dit as 'n spaarwiel kon gebruik vir die pad terug, net vir ingeval ons weer 'n pap wiel sou kry. Daar was 'n ekstra matras, maar die bank het baie lekker geslaap. Daar was genoeg beddegoed en ek hoef nie my slaapsak te gebruik het nie. Die beddegoed in die kamer was skoon.

Lovely warm welcome and special attention to detail meant we had a lovely stay. We enjoyed a very comfortable overnight stay on our second visit to Klipheuvels Guest Farm.

Wou nie huistoe gaan nie. Mense, as jy rus vir jou siel soek in die Karoo tussen sy klipkoppies, dan is Klipheuvels die plek. Ons het laat in die koue op die plaas aangekom, waar Maureen heel vriendelik vir ons gewag het en gou gewys het hoe hulle die mooi ou koolstoof in die kamer aan die gang kry. Behalwe vir die bitter koue, het ons die kuiertjie regtig baie geniet. Ons het gebruik gemaak van die verblyf as ons basis om dan die kontrei beter te leer ken en die grondpaaie tussen die Karoo dorpe te gaan ry. Die omgee vir gaste wys in die detail. Meer as genoeg handdoeke, beskuit, koffie, tee, melk, hout en die dekor. Ons was ook bederf om saam rond te ry op die plaas na die waterpunte vir die skape en na die uitsig op die berg oor die hele kontrei. Ons sien baie uit daarna om weer terug te gaan plaas toe. Mag dit met julle goed gaan. Groete.

Heerlik gebly by Klipheuvels. Ons het baie lekker gebly by Klipheuvels. Baie netjiese plaas en verblyf. Sal dit vir seker aanbeveel. Baie dankie, Anel.

Besonderse ervaring! Was! Rustig, vreeslik mooi, keurig en sielsalig.

Plaasverblyf is 'n wonderlike ervaring. Al die geriewe werk en is in 'n goeie toestand. Die gasvrou gaan uit haar pad om jou te akkommodeer, maar gee genoeg ruimte en stilte sodat jy self die omgewing kan inneem. Dis heerlik om op die plaaswerf te bly en die daaglikse aktiwiteite te beleef.

Was mooi, gemaklik, rustig en wonderlike sterre kyk in die donker aand. Bietjie van 'n uitdaging om tot in Fraserburg uit te kom, 100 km grondpad van Sutherland se kant af, wat 'n kar nie kan ry nie. Van daar tot op die plaas was maklik. Mense baie vriendelik en plek se voorbereiding was uitstekend. Hout, sjokolade, pap, koffie en alles wat mens nie noodwendig verwag in 'n selfsorgplek nie.