Kraaldoorn Farm Stay

Selfsorg

Gratis kansellasie tot 1 week voor jou verblyf!
Kapasiteit: 2 mense
Inkloktyd: 14:00 tot 19:00
Uitkloktyd: 10:00
Adres: Roete 62, Kraaldoorn, Groenfontein, Calitzdorp, 6660, Wes-Kaap
Alle ouderdomme is welkom
Vanaf R600 per nag (plek vir 2)

Beskrywing

Kraaldoorn Farm Stay bied verblyf wat heeltemal onafhanklik is van die tradisionele kragnetwerk. Dit is in die oostelike vleuel van die eienaar se huis, wat uit 1887 dateer, geleë op 'n prentjiemooi plaas net buite Calitzdorp. Die omgewing staan bekend vir skilderagtige roetes, voetslaanroetes en ikoniese besienswaardighede wat die Boplaas Familiewynplaas, die Swartbergpas na Prins Albert en die Kangogrotte in Oudtshoorn insluit.

Die oostelike vleuel het 'n aparte ingang en stoep en dus kan gaste algehele privaatheid geniet. Die huis bied slaapplek aan 2 gaste en beskik oor 'n knus slaapkamer, aparte badkamer, sitarea en kombuis. Die slaapkamer het 'n dubbelbed en ingeboude kaste. Daar is 'n ekstra enkelbed in die sitarea. Die badkamer het 'n bad, stort, wasbak en toilet.

Die kombuis is met 'n yskas-vrieskas, gasstoof en 'n klein etenstafel toegerus. Die sitarea lei na die privaat stoep met 'n buitetafel, 2 sonstoele en 'n lêstoel waar gaste kan ontspan en die uitsigte oor die vetplanttuin en heuwels kan geniet. Braaigeriewe is beskikbaar.

Die hoofhuis het 'n eklektiese galery wat kunssinnige gaste sal waardeer. Musiekentoesiaste kan gerus kom kitaar speel of die klawers van die Bluthner-vleuelklavier uittoets. Hier is verskei voëls vir gaste wat voëlkyk geniet. Avontuurlustige gaste kan die plaas se voetslaanroetes aandurf, daar is verskillendes wat wissel van maklik tot uitdagend en die plaas is ideaal vir fiets- en bergfietsryers.

Kry ’n Kwotasie