La Motte Gastehuis

Gastehuis

Kapasiteit: 15 mense
Inkloktyd: 13:00 tot 19:00
Uitkloktyd: 10:00
Adres: La Motté, Preekstoelpad, Bethlehem, 9700, Vrystaat
Alle ouderdomme is welkom
Vanaf R750 per nag, vir 2 mense

Beskrywing

La Motte Gastehuis is op die N5 geleë, 4 km net buite Bethlehem in die rigting van Harrismith. Hier kan gaste die natuurskoon en die rustigheid van die Oos-Vrystaat geniet. Dit is ideaal vir oornaggaste en sakereisigers. La Motte bied goeie, netjiese en gerieflike verblyf teen 'n billike prys.

Die gastehuis bied slaapplek aan 10 tot 15 gaste en beskik oor 2 slaapkamers in die kothuis, 2 buitekamers en 1 solderkamer in die plaashuis. Braaigeriewe is ook beskikbaar.

Tortelduif is 'n kamer met 1 dubbelbed en 1 enkelbed, skoon linne en handdoeke, elektriese komberse, lugversorging en 'n en suite-badkamer met 'n stort. Daar is ook 'n kombuisie met 'n yskas, mikrogolfoond, tweeplaatstoof, eetgerei, koffie- en teegeriewe en 'n leefarea met DStv-kanale. Buite is daar 'n stoep met braaigeriewe.

Jangroentjie is 'n kamer met 1 koninggrootte-bed en 1 enkelbed, skoon linne en handdoeke, elektriese komberse en 'n en suite-badkamer met 'n bad en 'n stort. Geriewe in die kamer sluit DStv, lugversorging, koffie- en teemaakgeriewe, 'n yskassie, mikrogolfoond, eetgerei en braaigeriewe op die stoep in.

Houtkapper is 'n aparte, ruim kamer met 1 koninggrootte-bed en 2 enkelbeddens, skoon linne en handdoeke, elektriese komberse en 'n en suite-badkamer met 'n bad en 'n stort. Geriewe in die kamer sluit 'n TV met DStv, lugversorging, tee- en koffiemaakgeriewe, 'n yskas, mikrogolfoond, eetgerei en braaigeriewe in.

Tinktinkie is 'n aparte, klein kamer met 2 enkelbeddens, skoon linne en handdoeke, elektriese komberse, 'n en suite-badkamer met 'n stort. Geriewe in die kamer sluit lugversorging, 'n TV met DStv, lugversorging, tee- en koffiemaakgeriewe, 'n yskassie, 'n mikrogolfoond, eetgerei en braaigeriewe in.

Kokkewiet is 'n solderkamer en word met 'n buitetrap bereik. Dit het 1 koninggrootte-bed en 1 enkelbed, skoon linne en handdoeke, elektriese komberse en 'n suite-badkamer met 'n bad. Geriewe in die kamer sluit lugversorging, 'n TV met DStv, 'n yskassie, 'n mikrogolfoond, eetgerei en braaigeriewe in.

Die gastehuis spog met 'n swembad en genoeg spasie vir kinders om te speel, wat dit ideaal maak vir gesinne. Kom geniet die ouwêreldse gasvryheid en plaasstyl-ontbyt wat teen 'n ekstra koste beskikbaar is.

Clarens, Golden Gate Highlands Nasionale Park en Fouriesburg is van die nabygeleë plekke wat gaste kan verken. La Motte Gastehuis is langs Lavender Hill Wedding Venue geleë.

Kry ’n Kwotasie