Lekker Lê

Selfsorg

Kapasiteit: 6 persone
Inkloktyd: 14:00 tot 17:00
Uitkloktyd: 12:00
Adres: Boekenhoutlaan 45, Vleesbaai, 6504, Wes-Kaap
Alle ouderdomme is welkom
Vanaf R2 000 per nag (plek vir 6)

Beskrywing

Lekker Lê is 'n drieslaapkamerhuis in Vleesbaai met slaapplek vir 6 gaste.

Twee van die kamers het 'n see uitsig vanuit die bed. Die hoofslaapkamer het 'n dubbelbed en 'n en suite-badkamer met 'n bad en stort-oor-bad. Die ander 2 slaapkamers het elk 2 enkelbeddens en deel 'n badkamer met 'n bad en stort-oor-bad. Daar is 'n wasmasjien in die tweede badkamer. Beddegoed word voorsien. Bring asb. eie bad- en swenhanddoeke.

Die oopplan-kombuis het 'n yskas, mikrogolf, stoof en oond. Gaste moet asb hul eie skoonmaakmiddels saambring. Die vloei van die oopplan leef ruimte maak dat jy maklik kan kuier by die etenstafel, sitkamer of stoep - of almal gelyk tydig! Geen TV beskikbaar.

Lekker Lê se groot aantrekking is die groot onderdakstoep so lank soos die huis met 'n pragtige uitsig en ingeboude braai. Daar is genoeg ruimte vir heeldag sit op die stoep en die slaap-bank is perfek vir middag slapies.

Vleesbaai se lang, skoon strande is perfek is vir swem, visvang, stap en draf. Die dorpie is omhein en het 'n sekuriteitshek met toegangsbeheer. Daar is 'n klein kruidenierswinkel, vulstasie en kerksaal. Voertuig-toegang tot die strande word beperk - slegs voetgangers word toegelaat om af te beweeg na die strande. Tussen Junie tot Oktober is dit walvisseisoen en soms is daar ook dolfyne in die baai te sien. Klein wilde diertjies kan op stil dae tussen die huise opgemerk word.

Kry ’n Kwotasie