Lion Tree Top Lodge

Voeg by Gunstelinge

 

Beskrywing

Lion Tree Top Lodge is geleë in 'n privaat natuurreservaat in die hartjie van 'n area waar wild volop is. Die natuurreservaat is langs die Krugerwildtuin se westelike grens in Limpopo. By ons kan jy rustigheid en hartlike Afrika-gasvryheid geniet en boonop ons witleeus ontmoet!

Dié lodge is 'n klein eksklusiewe lodge wat 'n unieke Afrika-ervaring bied. Die intieme, privaat en luukse tent-chalets is hoog in die boomtoppe weggesteek. Die tent-chalets beskik oor gesonke baddens, binne- en buite-storte en groot dekke. Al ons akkommodasie bied 'n keuse van 'n koninggrootte-bed of 2 enkelbeddens.

Geniet 'n informele, ontspanne atmosfeer. Begin die dag met koffie en varsgebakte beskuit en gaan wandel dan 'n entjie met ons leeus. Na 'n stewige ontbyt kan jy bloot luilekker om die swembad ontspan terwyl jy 'n ogie oor die watergat gooi. 'n Namiddag bosveld-wandeling saam met die leeus sal jou lus maak vir 'n heerlike skemerkelkie by ons pragtige klein kroeg onder die enorme Huilboerboon. Aandete word bedien in die boma of op die lodge se veranda.

Geen kinders onder die ouderdom van 6 word toegelaat nie, aangesien ons boomhuise baie hoog is.

Ons maak witleeuwelpies groot om mense bewus te maak van die hulpkreet van beide witleeus en gewone leeus. Die Afrika-leeu is bedreig. Daar is verskeie planne gemaak en stappe geneem om die leeu-populasie te beskerm. Dit het gebeur na die verskriklike ontdekking dat die leeu-populasie se getalle drasties aan die afneem is. Ons is trots om deel te wees van die landwye poging om ons leeus te beskerm. Kom ervaar die opwinding wat die wandelings en kontak met ons witleeus aan gaste gee.

Ander doendinge sluit in: wildritte, bosveldwandelings, daguitstappies na die Krugerwildtuin in oop voertuie en bootvaarte op die Blyde-dam waar jy ons beroemde kloof van die binnekant kan sien. Die Moholoholo diere-rehabilitasiesentrum word sterk aanbeveel asook die Hoedspruit Bedreigde Spesie-sentrum. Die Panorama-roete en die Krugerwildtuin is 'n kort en maklike motorrit van Lion Tree Top Lodge af.

Die eienaars van Lion Tree Top Lodge is al in die onthaalbedryf sedert 1995 en dus belowe ons persoonlike aandag en sorg te alle tye.

Kenmerke

  •  Swembad

Geriewe

  •  Kroeg
  •  Swembad

Kaart Meer oor die omgewing 

Gaste wat na Lion Tree Top Lodge gekyk het, het ook belangstelling getoon in die volgende lekke plekke:

Vanaf R3 200 per nag (vir 2 mense)

Aanvaar aanlynbetaling deur LekkeSlaap.co.za   
Jou webblaaier is verouderd!

Pas jou webblaaier aan om die korrekte webtuiste te sien. Pas my webblaaier aan

086 999 0018 | besprekings@lekkeslaap.co.za