Mayfair Luxury 212

Selfsorg

Kapasiteit: 4 mense
Inkloktyd: 14:00 tot 19:00
Uitkloktyd: 10:00
Adres: Oasis-laan, Mayfair Luxury 212, Century City, 7009, Wes-Kaap
Alle ouderdomme is welkom
Vanaf R1 288 per nag (plek vir 4)

Beskrywing

Mayfair Luxury 212 is 'n komtemporêre selfsorg-vakansiewoonstel in 'n veilige kompleks wat in die hartjie van Century City, naby Kaapstad se sakekern, geleë is. Dit spog met pragtige dekor en 'n uitsig oor die tuin. Hierdie is die ideale opsie vir 'n rustige wegbreek.

Dié woonstel bied slaapplek aan 4 gaste en beskik oor 2 slaapkamers en 2 badkamers. Elke slaapkamer het 2 enkelbeddens. Slegs 1 van hierdie kamers het 'n en suite-badkamer met 'n stort, wasbak en 'n toilet. Die tweede badkamer het ook 'n stort. Alle linne en badhanddoeke word voorsien.

Die oopplan-leefarea het lugversorging en beskik oor 'n stylvolle kombuis wat met 'n gasstoof, elektriese oond, mikrogolfoond, yskas-vrieskas, eetgerei, breekware, koffiemasjien, skottelgoedwasser en 'n eiland met stoele toegerus is. Die kombuis lei na 'n knus sitarea met gemaklike sitplek en 'n platskerm-TV. Daar is ook 'n lessenaar en gratis WiFi is beskikbaar.

Die skuifdeure in die leefarea lei na 'n toegeboude stoep met 'n etenstafel en 'n gasbraai. Die stoep spog met stapeldeure wat ekstra vars lug kan inlaat en wat verder na 'n balkon lei.

Kry ’n Kwotasie