Meerkatgat 3341 Seekoei Road

Meerkatgat is 'n selfsorghuis in Seekoeiweg, Marloth Park se ongerepte bosveld net 17 km vanaf die Krokodilbrughek na die Krugerwildtuin. Die huis het slaapplek vir 4 gaste en is net 'n paar treë vanaf die Krokodilrivier.

Meerkatgat het 'n goeie uitleg en beskik oor gehaltemeubels. Daar is 2 slaapkamers, 2 badkamers en 'n oopplan-kombuis, -eetarea en -leefarea. Die hoofslaapkamer het 'n dubbelhemelbed en 'n en suite-badkamer met 'n bad, stort, toilet en 'n wasbak. Die tweede slaapkamer het 2 enkelbeddens en 'n en suite-stort, toilet en 'n wasbak.

Die huis is spesiaal ontwerp en gebou om koel en gerieflik in die somer te wee…

Sien meer

Meerkatgat is 'n selfsorghuis in Seekoeiweg, Marloth Park se ongerepte bosveld net 17 km vanaf die Krokodilbrughek na die Krugerwildtuin. Die huis het slaapplek vir 4 gaste en is net 'n paar treë vanaf die Krokodilrivier.

Meerkatgat het 'n goeie uitleg en beskik oor gehaltemeubels. Daar is 2 slaapkamers, 2 badkamers en 'n oopplan-kombuis, -eetarea en -leefarea. Die hoofslaapkamer het 'n dubbelhemelbed en 'n en suite-badkamer met 'n bad, stort, toilet en 'n wasbak. Die tweede slaapkamer het 2 enkelbeddens en 'n en suite-stort, toilet en 'n wasbak.

Die huis is spesiaal ontwerp en gebou om koel en gerieflik in die somer te wees. Elke kamer het lugversorging, maar gaste kan gerus die vensters oopmaak vir 'n vars briesie. Elke venster het diefwering en insekskerms. Die agterdeur het ook 'n veiligheidshek, sodat gaste op die voorste patio kan ontspan sonder enige bekommernis.

Die ruim kombuis is volledig toegerus met 'n yskas-vrieskas, gas- en elektriese stoof, eetgerei en breekware. Die eetarea het 'n groot houtetenstafel met bankies en die sitkamer het gemaklike leerbanke. Die leefarea het skuifdeure wat lei na 'n onderdakpatio met stoepmeubels. Daar is ook 'n lieflike groot braai-area, vuurmaakplek en 'n plonspoel buite. Daar is parkeerplek vir 2 voertuie.

Geniet 'n vreedsame braai met nagapies wat kom besoek aflê, en luister na die rivier en seekoeie. Elke nou en dan sal gaste hoor hoe 'n leeu in die wildtuin brul. 'n Njala en bosbok kom kuier ook elke oggend.

Wildritte en visvanguitstappies kan teen ekstra koste gereël word. Daar is 'n paar restaurante in Marloth Park. Gaste kan ook na die Krokodilrivieroewer stap en verskeie diere gewaar wat vanaf die wildtuin na die rivier kom om water te drink.