Nanna Rous' Town House

B&B

Gratis kansellasie tot 24 uur voor jou verblyf!
Kapasiteit: 19 mense
Inkloktyd: 14:00 tot 22:00
Uitkloktyd: 10:00
Adres: D'Urban Row 9, Colesberg, 9795, Noord-Kaap
Alle ouderdomme is welkom
Vanaf R900 per nag (plek vir 2)

Beskrywing

Nanna Rous' Town House is in 1860 gebou en die kerkie en pastorie wat in verblyf omskep is, dateer uit 1830. Dit is in ’n stil straat in Colesberg geleë naby ’n paar geskiedkundige plekke uit die Boereoorlog.

Gerieflike, bekostigbare verblyf en veilige parkeerplek op die perseel word gebied. Die huis het ’n ouwêreldse kothuistuin met 'n rustige en vreedsame atmosfeer.

Die eenheid se ligging maak dit 'n ideale oornagplek vir reisigers na en van die Kaap af. Daar is ’n nuwe sit-area met ’n oop kaggel en ’n kombuis met ’n yskas, stoof en mikrogolf. 'n Kontinentale of Engelse ontbyt word soggens van 07:00 af bedien. Daar is 6 gastekamers, 3 gesinskamers, 2 dubbelkamers en 1 kamer met 2 enkelbeddens. Al die kamers is stylvol versier en ten volle toegerus met en suite-storte, koffie- en teemaakgeriewe, plafonwaaiers, elektriese komberse en DStv.

'n Besoek aan die Colesberg-museum kan gereël word indien dit vooraf versoek word. Begeleide staptoere deur die dorp en besoeke aan Boereoorlogplekke kan ook gereël word. Al die restaurante in die dorp is stapafstand van Nanna Rous' af. Daar is 3 restaurante en kroeë. Een van die plekke wat jy nie mag misloop nie, is die Bordeaux-restaurant in die hoofstraat van Colesberg, wat bestaan uit 'n koffiewinkel en gelisensieerde restaurant. By hierdie restaurant kan jy heerlik smul aan Karoo-geregte in 'n rustige tuin-atmosfeer.

Kenneth en Madi se gasvryheid is sonder gelyke en hulle sien daarna uit om jou by hul gastehuis te verwelkom.

Kry ’n Kwotasie