Napier Street

Voeg by Gunstelinge

 

Beskrywing

Napier Street is in die kusdorpie, Arniston, net 100 m van die strand af. Dié eiendom bied gerieflike verblyf in 2 selfsorgwoonstelle sowat 800 m van Roman Beach af.

Die eerste woonstel, Sundew, het slaapplek vir 5 gaste. Dit is 'n tweeslaapkamer-tuinwoonstel met 'n gedeeltelike see-uitsig. Die woonstel beskik oor 'n oopplan-kombuis, -leefarea en -eetarea met 'n kaggel. Die kombuis is met 'n yskas, oond, stoof en 'n mikrogolfoond toegerus. Die leefarea lei na 'n patio met 'n see-uitsig.

Die woonstel beskik ook oor 'n slaapkamer met 3 enkelbeddens, waarvan 2 in 'n koninggrootte-bed omskep kan word. Dié slaapkamer het 'n en suite-badkamer met 'n stort, wasbak en 'n toilet. Die tweede slaapkamer het 'n dubbelbed en 'n en suite-badkamer met 'n stort, wasbak en 'n toilet. Daar is ook 'n gastetoilet. Die woonstel het toegang tot 'n omheinde tuin met ingeboude braaigeriewe. Daar is 'n alarmstelsel en geslotekringtelevisie, bedlinne, badhanddoeke, 'n filterkoffiemasjien en volle DStv. Parkeerplek is beskikbaar en die woonstel word 2 keer 'n week skoongemaak.

Die tweede woonstel, Bluebell, is 'n bekoorlike eenslaapkamer-tuinwoonstel met 'n oopplan-kombuis en -leefarea, en 1 slaapkamer wat alles na 'n privaat patio lei. Die slaapkamer het 'n dubbelbed en daar is 'n enkelbed in die leefarea wat vir 'n kind geskik is. Die badkamer het 'n bad met 'n handstort, 'n wasbak en 'n toilet. Dié woonstel het 'n alarmstelsel, bedlinne, badhanddoeke, 'n filterkoffiemasjien, volle DStv, 'n mikrogolfoond, buitebraaigeriewe en 'n stoof. Parkeerplek word voorsien en die woonstel word 2 keer 'n week skoongemaak.

Kenmerke

  •  Braaiplek

Aktiwiteite Naby

  •  Visvang
  •  Swem

Geriewe

  •  Braaiplek
  •  Kombuisgeriewe
  •  Geen Rook Binnenshuis
  •  Satelliet-TV
  •  Selfsorg

Hier praat ons

  •  Engels

Kaart Meer oor die omgewing 

Gaste wat na Napier Street gekyk het, het ook belangstelling getoon in die volgende lekke plekke:

Vanaf R1 000 per nag (plek vir 3)

Aanvaar aanlynbetaling deur LekkeSlaap.co.za   
Jou webblaaier is verouderd!

Pas jou webblaaier aan om die korrekte webtuiste te sien. Pas my webblaaier aan

086 999 0018 | besprekings@lekkeslaap.co.za