Neighbourgood Loop

Gastehuis

Kapasiteit: 12 mense
Inkloktyd: 14:00 tot 19:00
Uitkloktyd: 10:00
Adres: Loopstraat 113, Twinell House, Middestad, 8000, Wes-Kaap
Alle ouderdomme is welkom
Vanaf R1 400 per nag (plek vir 2)

Beskrywing

Neighbourgood Loop bied pragtige oornagverblyf in die hartjie van Kaapstad se sentrale sakekern. Dit is 'n wonderlike opsie vir óf 'n paartjie, toeriste óf sakereisigers aangesien die kamers met panoramiese uitsigte oor die omliggende stad spog.

Gaste kan tussen 6 ruim kamers wat elk slaapplek aan 2 gaste bied, kies. Hierdie kamers het elk 'n koninggrootte-bed en Loop 6 het ook 'n dubbelslaapbank vir kinders. Elke kamer het 'n en suite-badkamer met óf 'n stort óf 'n bad en 'n stort. Skoon wit linne en badhanddoeke word voorsien.

Ander geriewe in die kamer sluit 'n lessenaar, 'n tee- en koffiestasie, gratis WiFi en 'n TV in. Diegene wat in Loop 1 en Loop 5 bly het toegang tot 'n privaat balkon met uitsigte oor die stad. Die ander kamers het vensters wat van die vloer tot by die plafon strek en asemrowende uitsigte oor die stad bied.

Verder is daar 'n gedeelde swembad op die dak met ongelooflike uitsigte oor die stadshorison. Die grondverdieping het ook 'n lieflike kafee waar gaste 'n koffie kan geniet. Die verblyf is stapafstand vanaf talle winkels en restaurante geleë.

Kry ’n Kwotasie