Nyala Hill

Selfsorg

Kapasiteit: 8 mense
Inkloktyd: 14:00 tot 19:00
Uitkloktyd: 10:00
Adres: R628, Welgedacht Plaas Erfdeel 30, Pretoria, 0186, Gauteng
Alle ouderdomme is welkom
Vanaf R3 700 per nag (plek vir 8)

Beskrywing

Nyala Hill is 'n selfsorgvilla met 'n vintage tema wat op Welgedacht Plaas 50 km van Pretoria af geleë is. Die eenheid is ideaal vir gesinne of 'n groep vriende.

Dit bied slaapplek aan 8 volwassenes en 3 kinders en beskik oor 4 slaapkamers en 3 badkamers. Die hoofslaapkamer het 'n koninggrootte-bed, 'n koningingrootte-bed en 'n enkelbed. Dié slaapkamer is 'n solderarea en bied toegang tot 'n balkon met 'n uitsig oor die bosveld. Die tweede slaapkamer het 'n en suite-badkamer met 'n bad, stort, toilet, bidet en 'n wasbak. Daar is 'n koningingrootte-bed en 'n en suite-badkamer met 'n bad, toilet en 'n wasbak in die derde slaapkamer en die vierde kamer het 'n koningingrootte-bed en 'n en suite-badkamer met 'n stort, toilet en 'n wasbak. Linne en badhanddoeke word voorsien, maar gaste moet hul eie swemhanddoeke saambring.

Die leefarea beskik oor 'n sitarea, eetarea en 'n kombuis. Daar is 'n stoof, oond, mikrogolf, yskas-vrieskas, tee- en koffiemaakgeriewe, eetgerei en breekware in die kombuis. Die opwasarea het 'n skottelgoedwasser, wasmasjien en 'n tuimeldroër. Die sitarea het gemaklike rusbank, 'n koffietafel en 'n TV. Daar is 'n etenstafel met 6 stoele in die eetarea en die eenheid het ook 'n toonbank met 6 stoele.

Gaste het toegang tot 'n stoep met 'n swembad wat 'n uitsig oor die bosveld bied. Die eenheid is ideaal vir gaste wat op soek is na 'n privaat vakansie en gaste het toegang tot veilige parkeerplek.

Kry ’n Kwotasie