Oasis Blue

Dit is asemrowend mooi en 'n lieflike gemaklike plek.

Almal was vriendelik. Die skoonmaakdiens is uitstekend. Dis ekstra, maar ons het daarvoor gevra. Alles is beskikbaar in die huis. Jy hoef niks ekstra te vat nie. Net klere en kos. Fantasties.

Rustig. Natuurskoon.

Baie gerieflike en netjiese blyplek.

Gerieflike privaat verblyf vir groep.

Ons was gul ontvang deur Louise en kommunikasie oor inboek, ens was deurlopend betyds en goed. Die akkommodasie is ideaal vir paartjies wat saam reis. Daar is vier slaapkamers, elk met eie en suite-badkamer, lugreeling en 'n aparte buitedeur wat elkeen sy eie sleutel het - wonderlik vir privaatheid. Die ruim kombuis is goed toegerus en lei uit na die onderdakeetkamer. Die sitkamer en klein studeerkamer/biblioteek is aparte vertrekke. Al hierdie vertrekke is rondom die swembad gebou. Die dakarea het 'n braai, vuurput en genoeg stoele vir gesellig saamkuier rondom die vuur. Daar is ook 'n gasbraaier beskikbaar. Louise het aandag gegee aan klein details soos om vir ons koekies en lekkergoed asook 'n kaart van Marlothpark op die tafel te laat. In die badkamers was klein sepies en sjampoe asook handwas voorsien. Toe ons 'n waterprobleem ondervind het, het Louise dit vinnig uitsorteer. Die diens was waarlik puik. Ons het ons kuier by Oasis Blue baie geniet. Dit was jammer dat ons eers kort voor aankoms moes hoor dat, alhoewel die akkommodasie slegs 100 meter van die rivier af is, daar geen rivieruitsig is nie. Alhoewel die advertensie nie 'n rivieruitsig noem nie, was dit beslis 'n teleurstelling aangesien die verwagting tog daar was. Ek dink die huis en tuin kort bietjie onderhoud en die kombuis (veral die kassies) 'n deeglike skoonmaak. Die kombuis is goed toegerus, maar nuwe, eenvormige breekware sou dalk die plek tot voordeel kan strek. Die huis het ook 'n alarm en paniekknoppie wat bydra tot die veiligheid van die plek. Ek kan die verblyf beslis aanbeveel en sal in die toekoms weer daarvan gebruik maak.

Vriendelike hulp van Vusi (skoonmaker) ontvang.

Parafienlampies se beligting was swak tydens beurtkrag - een aand geen parafien gehad vir ligte nie, nadat dit betyds onder aandag van bestuur gebring was. Kon glad nie enige van die motorhuise gebruik het nie, was vol bourommel.

Baie lekker gemaklik huis vir groot groep.

Regtig baie gerieflik, die eienaars kan dalk net dakwaaiers oorweeg in kombuis en opwas. Dit raak bloedig warm daar binne.

It was value for my money.

The place is neat and beautiful. Louise is also friendly and helpful.