Oom Hendrik se Huisie

Selfsorg

Gratis kansellasie tot 1 week voor jou verblyf!
Kapasiteit: 2 mense
Inkloktyd: 14:00 tot 19:00
Uitkloktyd: 10:00
Adres: Marthinusrust Plaas, Posbus 28, Clanwilliam, 8135, Wes-Kaap
Alle ouderdomme is welkom
Vanaf R600 per nag, vir 2 mense

Beskrywing

Oom Hendrik se Huisie is 'n selfsorgkothuis op die plaas Marthinusrust. Hierdie verblyf is ideaal vir gaste wat op soek is na rustige oornagverblyf met 'n huislike atmosfeer.

Hierdie kothuis bied slaapplek aan 4 gaste en beskik oor 1 slaapkamer, 1 badkamer, 'n kombuis en 'n leefarea. Die slaapkamer het 'n dubbelbed en die badkamer het 'n stort, wasbak en 'n toilet. Daar is ook 'n aparte toilet. Beddegoed word voorsien, maar nie handdoeke nie.

Die oopplan-kombuis is met 'n yskas-vrieskas, stoof, oond, mikrogolfoond, broodrooster, basiese eetgerei, breekware en tee- en koffiemaakgeriewe toegerus. Die kombuistoonbank dien ook as 'n etenstafel met stoele. Daar is 'n dubbelslaapbank in die leefarea ideaal vir kinders of jongmense. Buite is daar 'n draagbare braaidrom en gaste het ook toegang tot die tuin en mag stap na die dam. Veilige parkeerplek is op die perseel beskikbaar. Rooikrans braaihout is te koop op die plaas. Gaste is ook welkom om met hul 4x4-voertuig of motorfiets op die plaaspaaie rond te ry of om die bergstaproetes te gaan stap. Daar is ook 'n veldbraaikamp op die plaas indien gaste in die natuur wil gaan vleisbraai.

Kry ’n Kwotasie