Ou Klipskuur Self-Catering Accommodation

Voeg by Gunstelinge

 

Beskrywing

Ou Klipskuur Self-Catering Accommodation is sowat 25 km buite Fraserburg in die Noord-Kaap geleë en bied gehalteverblyf met 'n plattelandse styl, asook 'n kampeerterrein. Hier kan gaste rus, ontspan en ware Karoo-gasvryheid ervaar. Dit is ideaal vir oornagverblyf tussen Johannesburg en Kaapstad.

Ou Klipskuur is ook 'n heerlike wegbreekplek vir diegene wat moeg is vir die stad. Die sterrehemel saans en die vars Karoolug sal jou weer aanvuur en vernuwe.

Die knus gastehuis bestaan uit 2 eenhede wat elkeen 1 slaapkamer het, asook 'n TV met DStv. Die slaapkamer het 2 enkelbeddens wat op versoek as 'n koninggrootte-bed omskep kan word. Die en suite-badkamers het elk 'n stort, toilet en 'n wasbak. Die slaapkamers het elektriese komberse vir die winter en daar is haardroërs en plafonwaaiers.

Die kombuis in die Oudeklip-eenheid is volledig toegerus met alles wat gaste benodig. Die Oudeskuur-eenheid bied 'n kombuishoekie met gerieflike en basiese geriewe om kos warm te maak. Die sitarea het gemaklike sitplek en 'n gesellige leeshoekie. Die Oudeklip-eenheid het 'n lieflike kaggel en die Oudeskuur-eenheid spog met 'n lekker gas-verwarmer. Braaigeriewe is beskikbaar.

Die Ou Klipskuur-Annekseenheid beskik oor 1 slaapkamer met 'n dubbelbed en 'n en suite-badkamer met 'n bad, toilet en 'n wasbak. Die slaapkamer het 'n elektriese kombers vir die winter en 'n waaier vir die somermaande. Daar is ook 'n haardroër beskikbaar, sowel as 'n gasverwarmer. Die eenheid bied gemaklike sitplek en 'n leeshoekie.
Die eenheid het 'n kombuishoekie wat toegerus is met 'n mikrogolfoond en koffie-en teemaakgeriewe.

Gaste het toegang tot gratis WiFi. Veilige onderdakparkeerplek is beskikbaar.

Die kampterrein is onder koeltebome geleë, met 'n groot plaasdam tot gaste se beskikking. Drie staanplekke en 'n ablusieblok met 'n wasbak, toilet en warmwaterstort is beskikbaar, sowel as opwasgeriewe en draagbare braaigeriewe. WiFi is nie beskikbaar vir kampeerders nie. Parkeerplek onder koeltebome is beskikbaar.

Doendinge op die plaas sluit ontspanning langs die plaasdam en voetslaan- en bergfietsroetes in. Gaste kan ook die Fraserburg-omgewing verken.

Kenmerke

  •  Afrikaans
  •  Braaiplek
  •  Veilige Parkering
  •  Gratis WiFi

Aktiwiteite op perseel

  •  Voëlkyk
  •  Fietsry
  •  Bergfietsroetes
  •  Swem

Betaalopsies op Perseel

  •  Elektroniese Fondsoorplasing

Geriewe

  •  Braaiplek
  •  Gastesitkamer
  •  Kombuisgeriewe
  •  Malaria-vrye streek
  •  Satelliet-TV
  •  Selfsorg
  •  Skoonmaakdiens Op Versoek
  •  Gratis WiFi
  •  WiFi

Hier praat ons

  •  Afrikaans
  •  Engels

Maaltye Aangebied

  •  Ontbyt
  •  Tee

Parkeerplek

  •  Veilige Parkering
  •  Onderdakparkering

Kaart Meer oor die omgewing 

Gaste wat na Ou Klipskuur Self-Catering Accommodation gekyk het, het ook belangstelling getoon in die volgende lekke plekke:

Vanaf R300 per nag (vir 2 mense)

Aanvaar aanlynbetaling deur LekkeSlaap.co.za   
Jou webblaaier is verouderd!

Pas jou webblaaier aan om die korrekte webtuiste te sien. Pas my webblaaier aan

086 999 0018 | [email protected]

// Hotjar AB false