Napier Akkommodasie by Peace Valley Guesthouse | LekkeSlaap
+20

Peace Valley Guesthouse

B&B
  • Kapasiteit: 8 persone
  • Inkloktyd: 12:00 tot 18:00
    Uitkloktyd: 10:00
  • Adres: 2 Wouter Straat, Napier, 7270, Wes-Kaap
  • Alle ouderdomme is welkom
  • Vanaf R1 800 per nag (plek vir 2)

Beskrywing

Peace Valley Guesthouse is op 'n enorme landgoed in die hartjie van Napier in die Wes-Kaap geleë. Die 4-ster-gastehuis bied superieure B&B-verblyf asook selfsorgverblyf vir diegene wat graag 'n doen-dit-self-naweek verlang.

Die 2 groot damme reg voor die hoofhuis is 'n gunsteling kuierplek van verskeie watervoëls wat jou vir ure aaneen sal vermaak met hul eindelose kaskenades. Ganse, ibisse en 'n paar hadedas is gereelde besoekers en daar is selfs al 'n otter hier gesien. 'n Tarentaalfamilie drentel gereeld deur die tuin wat hul nou al as hul tuiste ag en gaste sal sien hoe ons twee inwonende labradors, Lex en Chelsea, 'n daaglikse swemsessie geniet. Die twee honde is baie vriendelik en sal doodgelukkig vir ure lank saam met jou balspeel.

Peace Valley Guesthouse fokus op ontspanning, stresverligting en die ontsnap van die gedruis van die alledaagse stadslewe. Ons voorsien 'n kalm toevlugsoord waar gaste 'n terapeutiese welweesnaweek kan geniet met masserings, gesigbehandelings en refleksologie. Hierdie dienste moet asseblief voor die tyd bespreek word.

Ons bedien 'n heilsame en gesonde ontbyt met krakerige muesli en gesondheidsontbytgraan, jogurt, seisoenale vrugte, vars vrugtesap, vars plaasbrood, kaas en konfyt en smullekker croissants.

Die gastehuis is in die hartjie van Napier geleë in die Overberg in die Wes-Kaap. Napier is 'n klein dorpie met 'n unieke en ongekunstelde bekoorlikheid wat vele besoekers van heinde en ver lok met al die besienswaardighede wat die Overberg het om te bied.

Die gastehuis is na aan 'n hele paar oulike restaurantjies, kroeë en interessante winkels en museums. Daar is selfs fietsry- en voetslaanroetes in die omgewing beskikbaar vir energieke gaste.

Peace Valley is nie te ver van die strande van Arniston en Struisbaai af nie en 'n kort motorrit sal jou daar bring asook tot by Kaap Agulhas, die suidelikste punt van Afrika. Hermanus, Gansbaai en Stanford is ook min of meer dieselfde afstand van ons af. De Hoop, Die Mond en Kaap Agulhas Nasionale Park is bestemmings wat definitief die moeite werd is om te besoek.

Peace Valley Guesthouse is die ideale oornagplek vir enige besoeker op die Tuinroete en dis ongeveer 2 ure van Kaapstad Internasionale Lughawe af.

Om die Overberg te ervaar is om weer die lekker van die lewe te ontsluit.

Kenmerke

Swembad
Braaiplek
Troeteldiere indien gereël
Veilige Parkering
Gratis WiFi

Geriewe

  • Swembad
  • Braaiplek
  • Kombuisgeriewe
  • Geen Rook Binnenshuis
  • Malaria-vrye streek
  • Masseer- en Skoonheidsterapie
  • Troeteldiere indien gereël
  • Persoonlike Kluis
  • Satelliet-TV
  • Selfsorg
  • Daaglikse Skoonmaakdiens
  • Skoonmaakdiens Op Versoek
  • Gratis WiFi
  • WiFi

Aktiwiteite op perseel

  • Perdry
  • Voëlkyk
  • Bergfietsroetes
  • Swem

Hier praat ons

  • Engels

Maaltye Aangebied

  • Ontbyt

Parkeerplek

  • Veilige Parkering
  • 24-Uur Sekuriteit
  • Agter Elektriese Hek
  • Parkering Van Die Straat Af

Betaalopsies op Perseel

  • Kontant
  • Elektroniese Fondsoorplasing

Opsomming van Resensie

5 uit 5van 4 resensies vir Peace Valley Guesthouse
Netheid
5.0/5
Diens
5.0/5
Ligging
5.0/5
Veiligheid
5.0/5
Waarde vir geld
4.8/5

Ligging

  • 2 Wouter Straat, Napier, 7270, Wes-Kaap
  • Gaste dink Peace Valley Guesthouse het ’n uitstekende ligging
Kliek hier om die ligging se sien
Sien kaart

Sien meer verblyf in

Napier Overberg Wes-Kaap
Vanaf R1 800
per nag (plek vir 2)
Vanaf R1 800
per nag (plek vir 2)
Maak 'n Bespreking
  • Kapasiteit: 8 persone
  • Inkloktyd: 12:00 tot 18:00
    Uitkloktyd: 10:00
  • Adres: 2 Wouter Straat, Napier, 7270, Wes-Kaap
  • Alle ouderdomme is welkom
https://d288tngog90ix0.cloudfront.net/AAEAAQAAAAAAAAAAAAAAJGYzNjRlZTliLTVmOWMtNDUzZS05ZjRlLWZkMjNkZjNmNDc3Zg?w=1440&h=960&fit=crop&auto=format Vanaf R1 800  per nag (plek vir 2) 4 5 1 5 2 Wouter Street Napier 7270 Wes-Kaap 086 999 0018 12:00-18:00 10:00 -34.478012280053 19.903664588928
Jou webblaaier is verouderd!

Pas jou webblaaier aan om die korrekte webtuiste te sien. Pas my webblaaier aan

086 999 0018 | besprekings@lekkeslaap.co.za