Phezulu Plett

Selfsorg

Kapasiteit: 12 mense
Inkloktyd: 14:00 tot 17:00
Uitkloktyd: 10:00
Adres: Julia-laan 29, Plettenbergbaai, 6600, Wes-Kaap
Alle ouderdomme is welkom
Vanaf R9 000 per nag, vir 12 mense

Beskrywing

Phezulu Plett is 'n vakansiehuis wat oor 'n paar verdiepings strek. Dit is in Plettenbergbaai en bied 'n pragtige uitsig oor Lookout-strand en die strandmeer. Phezulu Plett bied gerieflike en ruim verblyf en is perfek vir 'n groot gesin of groep vriende op soek na 'n kuswegbreek op die Tuinroete.

Die vakansiehuis bied slaapplek aan 12 gaste en beskik oor 5 slaapkamers, 5 badkamers, 'n kombuis en leefarea. Die hoofslaapkamer en tweede slaapkamer het elk 'n koninggrootte-bed en 'n en suite-badkamer met 'n bad, stort, toilet, bidet en dubbelwasbak. Die derde slaapkamer het 'n koningingrootte-bed en die vierde slaapkamer het 2 enkelbeddens. 'n Kort trappie lei ondertoe na die vyfde slaapkamer met 2 stapelbeddens. Die derde badkamer het 'n bad en die vierde badkamer het net 'n stort. Daar is ook 'n gastetoilet. Die slaapkamers lei elk na 'n onderdakstoep en terrastuin.

Die oopplan-kombuis is met 'n yskas-vrieskas, 2 oonde, 'n gasstoof, broodrooster, mikrogolf, basiese eetgerei en breekware en tee- en koffiemaakgeriewe toegerus. Daar is ook 'n etenstafel. Die hoofleefarea en tweede leefarea het elkeen 'n sitkamerstel. Gratis WiFi is beskikbaar. Al die leefareas lei na 'n gedeeltelik bedekte dek met 'n stranduitsig. Dit is dus die ideale plek vir luilekker kuiers. Braaigeriewe is beskikbaar en gaste kan in die swembad in die tuin afkoel. Veilige parkeerplek is op die perseel beskikbaar.

Kry ’n Kwotasie