Porcupine Hills Guest Farm

Selfsorg

Kapasiteit: 18 persone
Inkloktyd: 14:00 tot 19:00
Uitkloktyd: 10:00
Adres: Van der Stel Verbypad 113/7, Botrivier, 7185, Wes-Kaap
Alle ouderdomme is welkom
Vanaf R2 850 per nag (plek vir 4)

Beskrywing

Porcupine Hills Guest Farm is op 'n olyfplaas in die Overberg langs die pragtige Van der Stel-pas. Dis 32 km vanaf Grabouw en 20 km vanaf Botrivier.

Verblyf word in 7 selfsorg-eenhede, insluitend 3 rivierkothuise gebied.

Eyrie Huis is die grootste eenheid met slaapplek vir 6 gaste in 3 en suite-slaapkamers. Daar is 'n buitebraai-area met sitplek. Die kombuis is volledig toegerus en daar is ook 'n swembad, groot dek, gemaklike stoele en 'n privaat tuin.

Die Farmhouse is ideaal vir paartjies of gesinne en is op 'n heuwel met 'n uitsig oor die krans. Daar is slaapplek vir 6 gaste in 2 en suite-slaapkamers. Die dubbelvolume-sitarea het 'n kaggel en lei na 'n onderdakstoep met 'n eetarea. Die kombuis is volledig toegerus en daar is ook 'n swembad in die tuin en buitebraaigeriewe.

Klipboks is ideaal vir 'n groep aangesien daar oorgenoeg ruimte en gerieflike slaapkamers is. Dié opgeknapte plaashuis het slaapplek vir 8 gaste in 4 en suite-slaapkamers. Die kombuis binne is volledig toegerus, insluitend 'n yskas-vrieskas en daar is 'n sitarea en 'n onderdakkombuis buite. Daar is ook 'n kroeg en eetarea oorkant die groot braai en boma met kampstoele. Dié eenheid is langs die rivier met 'n uitsig oor die populierwoud en die omliggende heuwels.

Caracal Cottage het slaapplek vir 2 gaste en beskik oor 'n en suite-slaapkamer en 'n oopplankombuis en -leefarea. Die sitarea het 'n gemaklike sitkamerstel en die onderdakterras het braaigeriewe en 'n etenstafel. Daar is ook 'n bergplonspoel met sonstoele in die gemeenskaplike tuin.

Mongoose Chalet beskik oor 'n slaaparea, en suite-badkamer en 'n kombuisie. Die onderdakstoep het buitemeubels. Dié eenheid is slegs beskikbaar as dit saam met Caracal of Dassie Cottage bespreek word.

Dassie Chalet is in die populierwoud aan die anderkant van die Mongoose Chalet en bied 'n klein natuurlike woudtuin langs 'n stroompie. Die chalet het 'n stoep met 'n privaat tuin en braaigeriewe.

Die Rondawel is tussen eikebome en die rotspoel in die rivier. Daar is 2 slaapkamers wat aan die rondawel gebou is en lei na die rivier. Die eenheid het slaapplek vir 4 gaste.

Doendinge op die plaas sluit bergfietsry, swem, voëlkyk en 4x4 in.