Prospect Farm Cottages

Selfsorg

Kapasiteit: 8 mense
Inkloktyd: 14:00 tot 17:00
Uitkloktyd: 10:00
Adres: Plaas 218, Klyne Fontyn Plaas, George, 6530, Wes-Kaap
Alle ouderdomme is welkom
Vanaf R900 per nag (plek vir 4)

Beskrywing

Prospect Farm Cottages bied selfsorgverblyf aan die voet van die Outeniekwaberge in Geelhoutboom, George. Die verblyf is ideaal vir gaste wat van die gedruis van die stadslewe wil ontsnap.

Verblyf is beskikbaar in 2 grasdak-selfsorgkothuise. Elke kothuis bied slaapplek aan 4 gaste en beskik oor 1 slaapakmer en 2 badkamers. Die slaapkamers het gemaklike beddens, gehaltelinne en badhanddoeke. Elke kothuis het 'n goed toegeruste kombuis, sitarea en 'n eetarea met 'n elektriese kaggel. Die eenhede het ook privaat braaigeriewe. Elke kothuis het 'n TV met sekere DStv-kanale en beperkte WiFi.

Gaste het toegang tot 'n gedeelde onderdak-lapa, 'n klipswembad en veilige onderdakparkeerplek. Daar is ook 'n kinderspeelarea en lowerryke grasperke waar kinders kan baljaar. Die plaas en omgewing bied 'n rits aktiwiteite insluitend veilige en privaat stap- en drafroetes in die natuurlike woud en op die plaas, bergfietsroetes, piekniekplek, visvang, gholf en swemstrande. Gaste kan ook net ontspan en die rustige plaaslewe geniet.

Die verblyf word nie deur beurtkrag geraak nie aangesien daar kragopwekkers is. Die verblyf is net 12 km vanaf Fancourt Golf Estate, 13 km vanaf George Lughawe, 22 km vanaf George se middedorp en 22 km vanaf die naaste strande wat in Heroldsbaai en Glentana is.

Kry ’n Kwotasie