Clarens Akkommodasie by Rhino Retreat | LekkeSlaap

+39

Rhino Retreat

Selfsorg

Vanaf R2 000 per nag (plek vir 8)
Kapasiteit: 8 persone
Inkloktyd: 14:00 tot 19:00
Uitkloktyd: 10:00
Adres: Malherbestraat 75, Clarens, 9707, Vrystaat
Alle ouderdomme is welkom

Beskrywing

Rhino Retreat bied gehalteverblyf aan vriende of familie in Clarens. Dit is naby verskeie winkels, restaurante, doendinge en besienswaardighede.

Dié huis beskik oor 2 slaapkamers en het slaapplek vir 8 gaste. Die hoofslaapkamer het 'n koningingrootte-bed en 'n en suite-badkamer met 'n stort, bad, toilet en 'n wasbak. Die tweede slaapkamer het 2 enkelbeddens, 'n stapelbed en 'n en suite-badkamer met 'n bad, stort, toilet en 'n wasbak. Daar is ook 'n aparte gastetoilet vir gaste se gerief.

Die moderne kombuis is met 'n stoof, oond, yskas-vrieskas, mikrogolf, tee- en koffiemaakgeriewe, eetgerei en breekware toegerus.

Die boonste sitarea het gemaklike rusbanke en 'n dubbelslaapbank. Daar is 'n eetarea met genoeg sitplek en gaste het toegang tot komplimentêre WiFi.

Daar is onderdak-braaigeriewe wat gaste gerus kan gebruik en veilige parkeerplek is beskikbaar op die perseel.

Die verblyf is net 950 m van die middedorp af, maar is afgesonder genoeg om 'n stil wegbreek te bied. Asemrowende uitsigte op die Horebberg en Malutiberge na Lesotho se kant toe, sal sorg dat gaste ontspan.

Kry ’n Kwotasie